Ministri Fatmir Limani uron Kurban Bajramin

Në këtë ditë të shenjtë të Kurban Bajramit, uroj nga zemra që kjo festë t’ju gjejë me shëndet, paqe dhe dashuri në familjet tuaja.
Kurban Bajrami është një moment reflektimi, solidariteti dhe dhembshurie. Në këtë frymë, le të kujtojmë me zemër të hapur të gjithë ata që janë më në nevojë – fëmijët pa kujdes prindëror, personat me aftësi ndryshe, të moshuarit dhe të gjitha grupet e cenueshme të shoqërisë sonë.

Mirënjohje të veçantë për të gjitha familjet përkujdesëse, të cilat me përkushtim dhe dashuri u japin fëmijëve pa prindër një ndjesi ngrohtësie dhe përkatësie, sidomos në ditë të tilla të shenjta.

Le të jetë kjo festë një nxitje për më shumë kujdes, përfshirje dhe barazi për të gjithë qytetarët, në veçanti për të rinjtë dhe të rejat që janë shpresa dhe e ardhmja e vendit tonë.
Gëzuar Kurban Bajrami Shkruan ministri Fatmir Limani në facebook

/ms