Ministri Fatmir Limani u dhuron foshnjave të para të porsalindura monedha ari

Në vitin e ri 2026, me gëzim të madh mirëpresim foshnjën e parë të porsalindur – vajzë, e lindur në Klinikën Universitare për Gjinekologji dhe Obstetrikë (GAK), si dhe dy foshnjat e porsalindura – vajza binjake, të lindura në ISHP Spitalin Special për Gjinekologji dhe Obstetrikë “Nënë Tereza” – Çair.

Fëmijët e parë të lindur në vitin e ri përfaqësojnë simbolin e një fillimi të ri, shprese dhe të ardhmeje.
Në emrin tim personal dhe në emër të Ministrisë së Politikës Sociale, Demografisë dhe Rinisë, u përcjell urimet më të sinqerta familjeve të reja. Fëmijët tuaj u rritshin të shëndetshëm, të dashur dhe të lumtur, ndërsa shtëpitë tuaja qofshin gjithmonë të mbushura me dashuri, gëzim dhe unitet familjar.

Çdo lindje e re është një pasuri për shoqërinë tonë dhe një motivim i fuqishëm për të vazhduar krijimin e kushteve gjithnjë e më të mira për fëmijët dhe familjet. Me këtë rast, Ministri i Politikës Sociale, Demografisë dhe Rinisë, Fatmir Limani, u dhuron foshnjave të para të porsalindura monedha ari.

/tvgurra