Ministri Fatmir Limani takim me Zv. Ambasadorin e Amerikës

Sot realizova takim të rëndësishëm me u.d. Zv. Ambasadorin e Shteteve të Bashkuara të Amerikës z.David Myers.
Në frymë konstruktive dhe bashkëpunuese diskutuam një sërë çështjesh me interes të përbashkët.

Në fokus të veçantë të bisedimeve ishin aktivitetet aktuale dhe prioritetet strategjike të Ministrisë së Politikës Sociale, duke përfshirë reformat në fushën e mbrojtjes sociale, përmirësimin e shërbimeve për qytetarët, si dhe avancimin e politikave gjithëpërfshirëse që synojnë rritjen e mirëqenies dhe barazisë sociale, duke theksuar rëndësinë e harmonizimit të politikave me standardet dhe praktikat më të mira ndërkombëtare.

Gjatë takimit u trajtuan edhe zhvillimet aktuale politike në vend dhe në rajon, me theks të veçantë mbi stabilitetin, sigurinë dhe bashkëpunimin rajonal. Në këtë drejtim, u nënvizua rëndësia e dialogut të hapur dhe të vazhdueshëm, si dhe roli i partneriteteve strategjike në përballimin e sfidave të përbashkëta.

Një pjesë e rëndësishme e diskutimit iu kushtua intensifikimit të mëtejshëm të marrëdhënieve bilaterale ndërmjet Maqedonisë së Veriut dhe Shteteve të Bashkuara të Amerikës. U vlerësua mbështetja e vazhdueshme e SHBA-ve në proceset reformuese, forcimin e institucioneve demokratike dhe zhvillimin socio-ekonomik të vendit.

Po ashtu, u diskutua për rrugëtimin e Maqedonisë së Veriut drejt integrimit euro-atlantik, duke theksuar përkushtimin e vendit për përmbushjen e kritereve dhe standardeve të kërkuara.
Ministri riafirmoi se integrimi euro-atlantik mbetet një prioritet strategjik, i cili kontribuon në forcimin e stabilitetit, sigurisë dhe prosperitetit afatgjatë të vendit dhe rajonit.

Në përfundim të takimit, u vlerësua rëndësia e vazhdimit të dialogut të rregullt dhe bashkëpunimit të ngushtë ndërmjet dy vendeve, si një bazë solide për avancimin e mëtejshëm të marrëdhënieve dhe realizimin e objektivave të përbashkëta strategjike.

/ms