Ministri Fatmir Limani takim me kryetarin e komunës së Regensdorfit në Zvicër

Sot reаlizuam takim pune me z. Stefan Marty, Kryetar i Komunës së Regensdorf, dhe z. Stefan Pfyl, këshilltar personal, zviceranë që me theks të veçantë mbrojnë interesat e shqiptarve në këtë komunë.

Diskutuam për mundësitë e nxitjes së investimeve të huaj; zhvillimin e qëndrueshëm ekonomik, infrastrukturor dhe kulturor; zhvillimin e politikave sociale dhe përfshirjen e të rinjve;si dhe bashkëpunim në fushën e edukimit të hershëm.

Z. Marty shprehu vlerësim të lartë për përkushtimin dhe vizionin tonë për zhvillim, duke theksuar gatishmërinë për të ndërtuar ura të qëndrueshme bashkëpunimi në të ardhmen. Ai gjithashtu premtoi që në një të ardhme të afërt do të vizitojë vendin tonë, me qëllim të këmbimit të përvojave dhe forcimit të lidhjeve institucionale.

Ky takim përbën një hap të rëndësishëm drejt forcimit të partneriteteve ndërkombëtare, duke hapur rrugë të reja bashkëpunimi në dobi të qytetarëve, të rinjve dhe brezave që vijnë. 🌍✨
Shkruan ministri Fatmir Limani në facebook.

/ms