Ministri Fatmir Limani në Kërçovë: “Gjuha dhe rinia, themeli i një shoqërie me vizion”

Ministri Fatmir Limani mori pjesë sot në ceremoninë solemne të organizuar nga Komuna e Kërçovës me rastin e 22 Nëntorit – Ditës së Alfabetit Shqiptar. Ai vlerësoi këtë ditë si një shtyllë historike dhe kulturore për kombin shqiptar.

Gjatë fjalës së saj, prof. Teuta Ahmedi-Purelku paraqiti një pasqyrë të thelluar të zhvillimit të alfabetit shqip dhe rolin e tij në afirmimin arsimor e kulturor ndër breza. Kryetari i Komunës, Aleksandar Jovanovski, përcolli urime dhe ndau mirënjohje për shkollat shqipe, duke vlerësuar punën e mësimdhënësve. Po ashtu u prezantuan studentët përfitues të bursave komunale, si dëshmi e mbështetjes për rininë.

Ministri Limani, së bashku me kryesuesin e këshillit Ajhan Sulkovski dhe të pranishmit, theksuan rëndësinë e gjuhës, arsimit dhe të rinjve si bazë e një shoqërie të fortë dhe gjithëpërfshirëse.

/tvgurra