Ministri Fatmir Limani me urim për Ditën e Fëmijëve

📌Sot, në Ditën e Fëmijëve, riafirmojmë angazhimin tonë për të ndërtuar një shoqëri ku çdo fëmijë ka mundësi të barabarta për t’u rritur, për të mësuar dhe për të arritur potencialin e tij të plotë.

🏛️Si Ministri e Politikës Sociale, Demografisë dhe Rinisë, mbetemi të përkushtuar fuqishëm në avancimin e të drejtave të fëmijëve përmes politikave dhe masave konkrete që sjellin rezultate reale për fëmijët dhe familjet e tyre.

✅Po punojmë për:
* zbatimin e Garancisë Evropiane për Fëmijët;
* forcimin e sistemit të mbrojtjes së fëmijëve.
Po shqyrtojmë mundësitë për rritjen dhe zgjerimin e përfitimeve për fëmijët ose për vendosjen e një shtese universale për fëmijët – një hap që do të kontribuojë ndjeshëm në uljen e varfërisë së fëmijëve dhe përmirësimin e standardit të jetesës së familjeve.

✅Investojmë në:
* zhvillimin e hershëm të fëmijëve;
* ndërtimin e kopshteve të reja;
* shërbime shëndetësore të qasshme;
* mbështetje gjithëpërfshirëse për fëmijët me aftësi të kufizuara.
➡️Gjatë periudhës së kaluar kemi ndërtuar dhe pajisur 16 kopshte të reja, duke siguruar më shumë se 2.600 vende të reja për kujdesin dhe edukimin e fëmijëve në të gjithë vendin.
Vazhdojmë gjithashtu me programet për përfshirje sociale dhe mbështetje të fëmijëve në rrezik social, sepse çdo fëmijë meriton një fëmijëri të lumtur e të sigurt, si dhe një mundësi për një të ardhme më të mirë.

➡️Mesazhi ynë është i qartë:
🎯Investimi te fëmijët është investim në të ardhmen e shtetit!
Ne vazhdojmë të krijojmë politika që i vendosin fëmijët në qendër të vëmendjes dhe mbrojnë interesin e tyre më të mirë.
🎊Gëzuar Ditën e Fëmijëve! Shkruan ministeri Fatmir Limani në facebook

/ms