Ministri Fatmir Limani: Kërçova sot në zi, një ëndërr u këput në mes

Me dhimbje të thellë, Ministri Fatmir Limani ka shprehur ngushëllimet e tij për ndarjen tragjike nga jeta të të riut Kushtrim Kadriu, nxënës i shkollës së mesme “Drita”.

“Kërçova sot është në zi. Edhe një ëndërr u këput në mes. Humbja e Kushtrimit, një djaloshi të ri, plot ëndrra dhe jetë përpara, ka tronditur familjen, shoqërinë dhe gjithë qytetin.

Fiket një kandil së bashku me buzëqeshjen që ngrohte shpirtërat e të gjithëve, por kujtimi i tij do mbetet i pavdekshëm,” u shpreh Limani.

Ai shtoi se ndan dhimbjen me familjen Kadriu dhe se lutet që Zoti t’i japë forcë prindërve dhe të afërmve në këtë ditë të rëndë. “Prehu në paqe Kushtrim, mbetesh në zemrat tona përgjithmonë.”

/tvgurra