Mickoski paralajmëron goditje të reja ndaj korrupsionit: “Denonconi ryshfetin!”

Kryeministri i Maqedonisë së Veriut, Hristijan Mickoski, ka paralajmëruar se autoritetet po hetojnë raste të reja të dyshuara për korrupsion në institucionet shtetërore.
Ai u bëri thirrje qytetarëve që të denoncojnë çdo zyrtar që u kërkon ryshfet.

“Po ndjekim disa raste të korrupsionit në institucione dhe presim që personat t’i marrin paratë që kanë kërkuar nga qytetarët. I bëj thirrje qytetarëve të raportojnë!”, tha Mickoski.

Kryeministri nuk dha detaje se në cilat institucione po zhvillohen hetimet apo sa persona dyshohet se janë përfshirë.
Deklarata vjen pas disa rasteve të fundit të dyshuara për marrje ryshfeti nga punonjës të institucioneve shtetërore.

/lajmpress