Mickoski: Papunësia në nivel historik më të ulët ?
Kryeministri i Republika e Maqedonisë së Veriut, Hristijan Mickoski, deklaroi se gjatë vitit të fundit janë krijuar më shumë se 15.000 vende të reja pune, duke theksuar se papunësia ka rënë në nivelin më të ulët historik informon Tetovasot.
Duke iu përgjigjur pyetjeve të gazetarëve lidhur me mbështetjen financiare për kompanitë vendore dhe efektet në ekonomi, Mickoski theksoi se aktualisht në vend ka rreth 710.000 të punësuar dhe më pak se 90.000 të papunë të regjistruar.
Sipas tij, nëse nga kjo shifër përjashtohen rreth 30.000 bujq dhe kategori të tjera që formalisht figurojnë si të papunë, numri real i të papunëve bie në rreth 35-40 mijë persona, që përbën më pak se 5% të popullsisë në moshë pune.
“Ky është niveli më i ulët historik i papunësisë që nga pavarësia e shtetit”, u shpreh Mickoski.
Ai theksoi se këto rezultate janë pasojë e rritjes së aktivitetit investues dhe politikave të qeverisë për mbështetje të ekonomisë, duke përmendur kreditë e subvencionuara me norma interesi nën 2%.
Kryeministri shtoi se ekonomia ka shënuar rritje reale prej 3.5% për gjashtë tremujorë radhazi, ndërsa sipas Fondi Monetar Ndërkombëtar, Prodhimi i Brendshëm Bruto për vitin 2026 pritet të arrijë rreth 22 miliardë dollarë.
Ai gjithashtu nënvizoi se në dy vitet e fundit janë realizuar mbi 1.200 projekte infrastrukturore në të gjitha komunat e vendit, pa dallim përkatësie politike të pushtetit lokal.
“Ky është rezultat i drejtpërdrejtë i investimeve dhe politikave ekonomike të Qeverisë, të cilat po japin efekte konkrete në rritjen ekonomike dhe hapjen e vendeve të reja të punës”, deklaroi Mickoski.
/TS
