Mickoski: Gjendja me karburantet është stabile !?
Kryeministri Hristijan Mickoski deklaroi se Maqedonia e Veriut është i vetmi vend në rajon që së fundmi uli çmimet e karburanteve, duke mbajtur gjithashtu nivelet më të ulëta krahasuar me vendet fqinje dhe Evropën.
Ai theksoi se situata është stabile, nuk ka rrezik për mungesë energjie apo shpallje të krizës, dhe se Qeveria është e gatshme të vazhdojë masat si ulja e TVSH-së ose të ndërhyjë me akciza nëse çmimet rriten.
Sipas tij, rezervat energjetike janë të mjaftueshme, kapacitetet funksionojnë normalisht dhe nuk pritet rritje e çmimit të energjisë elektrike. Qeveria do të vazhdojë të monitorojë situatën globale dhe të reagojë në interes të qytetarëve, duke shmangur panikun.
/ms
