Mexhiti: Vlen është krijuar ta rrëzojë BDI-në, nuk ka logjikë bashkëpunimi me ta..!?

Zëvendëskryeministri i parë, Izet Mexhiti dërgoi porosi të qarta mbi parimet se si duhet të funksionojë VLEN dhe ku janë vijat e kuqe, shkruan Alsat.

Sipas tij, VLEN është krijuar për të rrëzuar BDI-në dhe nuk ka logjikë bashkëpunimi me të. Mexhiti shtoi se gjatë javës mund të pritet propozimi që VLEN të bëhet një parti, ndërsa Arben Taravari të veprojë ashtu siç gjykon ai.

“VLENI është antipod i BDI-së dhe nuk ka logjikë të shkon me BDI-në. Në atë moment që bashkëpunohet më BDI-në, humb kuptimi i ndryshimit dhe kuptimi i asaj për çka e kemi kërkuar votën. Në si lider të VLEN-it po bisedojmë dhe po dëgjojmë votuesin shqiptar.

Ishte ideja për t’u bashkuar vota shqiptare, tani po mbizotëron ideja për t’u unifikuar në një subjekt. Besoj që brenda javës do të ketë iniciativë që VLEN-i të jetë një opsion”, tha Izet Mexhiti, Zëvendëskryeministër i parë.

/ Alsat.mk