Mexhiti : Përçarja e VLEN-it, është në favor të BDI-së dhe është hap antishqiptar..!?

Zëvendëskryeministri i Parë, Izet Mexhiti në Click Plus ka folur për zgjerimin e hetimit për tragjedinë në Koçan.
Duke folur për ish ministrat e Ekonomisë dhe për ish drejtorët e Drejtorisë për Mbrojtje dhe Shpëtim, Mexhiti tha se jo të gjithë janë nga BDI dhe se ka edhe nga VLEN.

Ai tha se 4 prej tyre i njeh personalisht dhe se është i bindur se janë të pastër dhe se do të dëshmohet pafajësia e tyre.
“Nuk janë të gjithë të BDI-së, janë edhe të VLEN-it. Ka drejtor të VLEN-it. Dua ta respektoj prezumimin e pafajësisë. Katër prej tyre i njoh, i kam propozuar duke i njohur, jam tejet i bindur se janë të pastër në këtë drejtim, por fjalën e fundit ia lemë drejtësisë, gjyqësisë. Duke i njohur, pra në fund besoj se do të dëshmohet pafajësia e tyre”, tha Mexhiti.

Taravari nesër tregon se a e ka mbyllur shtegun e bisedimeve me BDI-në ose JO
Nuk mundesh të jesh pjesë e VLEN-it, kurse para opinionit të thuash mund të zhvilloj bisedime me Bashkimin Demokratik për Integrim. Arben Taravari nuk mund të paraqet ndryshimin, rotacionin politik dhe në të njëjtën kohë të bashkëpunon me BDI-në. Kështu ka deklaruar, zëvendëskryeministri i parë, Izet Mexhit.

“E kam dëgjuar z. Taravari duke thënë nëse merremi vesh me VLEN-in, mirë nëse jo ASH do të shkojë e vetme në zgjedhje dhe do të jetë e hapur për bashkëpunim me BDI-në. Këtë proces nuk e njeh asnjë praktikë politike. Unë nuk besojë që përfaqësuesit e Aleancës për shqiptarët që prej fillimit kanë qenë antipod i BDI-së, tash të pajtohen për të kënaqur apetitet pikërisht të kësaj partie”, kështu është shprehur Mexhiti.

Qytetarët do ta vlerësojnë punën tonë në Qeveri, zgjedhjet lokale janë afër
Për vlerësime më mirë do ua lëmë qytetarëve”, kështu u shpreh zëvendëskryeministri i parë Izet Mexhiti në Click Plus në TV21 sa i përket qeverisjes së koalicionit VLEN. Mexhiti ndër të tjera tha se zgjedhjet lokale janë afër dhe se fjalën kryesore e ka votuesi.

“Për vlerësimet më mirë do ua lëmë qytetarëve. Afër i kemi edhe zgjedhjet lokale, fjalën kryesore e kanë votuesit. Ajo që është me rëndësi, tani shqiptarët kanë dy taborre, kanë konkurencë, mund të krahasojnë, mund të vlerësojnë, mund të dënojnë. Mendoj që 8 muaj nuk janë mjaftueshëm për të realizuar programe, për të realizuar ndryshimin”, tha zëvendëskryeminsitri i parë Mexhiti.

Ndarja e shqiptarëve në shumë tabore politike është një hap antishqiptar
Ndarja e shqiptarëve në shumë tabore politike është një hap antishqiptar dhe nuk shkon në favor të popullit tonë pasi që një hap i tillë e defaktorizon votën shqiptare. Kështu ka deklaruar, zëvendëskryeministri i parë, Izet Mexhiti në emisionin Click Plus.

“Vlerësimet më mirë do ua lëmë qytetarëve. Afër i kemi zgjedhjet lokale, fjalën kryesore e kanë votuesit. Ajo që është me rëndësi, tani shqiptarët kanë dy taborë politik, kanë konkurrencë, mund të krahasojnë, mund të vlerësojnë, mund të dënojnë. Mendoj që 8 muaj nuk janë mjaftueshëm për të realizuar programe, për të realizuar ndryshimin”, theksoi Mexhiti.

Rastet tragjike si Koçani nga qeveria e kaluar janë mbyllur pa u gjetur fajtori
Mbyllja e rasteve tragjike si ky i fundit në Koçani, nga Qeveria e kaluar është bërë pa marrë përgjegjësi askush dhe pa i treguar opinionit se kush ishte fajtori. Kështu ka deklaruar zëvendëskryeministri i parë, Izet Mexhiti.
Ne në VLEN e dëshirojmë reflektimin e Arben Taravarit (Aleancës për Shqiptarët). Përmes maksimës “Përçaj dhe sundo”, kështu ka mbijetuar Bashkimi Demokratik për Integrim dhe me vite të tëra ka qenë në pushtet. Kështu ka deklaruar zëvendëskryeministri i parë, Izet Mexhiti.

Kritikat e opozitës për gjendjen e shqiptarëve me Qeverinë e re! Mexhiti thotë se ka përpjekje për shtrembërim të realitetit
Mexhiti për kritikat e opozitës thotë se janë përpjekje për shtrembërim të realitetit. Mes tjerash, Mexhiti foli edhe për ligjin për gjuhën shqipe. Tha se statusi i gjuhës shqipe në Kushtetutë është nënçmues për shqiptarët, por shtoi se luftojnë për ta përmirësuar këtë, por duke e ruajtur ligjin ekzistues që siç thotë është avancim i gjuhës shqipe.

“Qeveria është dinamike, është qeveri e ndryshimit. Nuk them që është situatë e përkryer. Rastësishtë apo jo, në Gjykatën Kushtetuese përnjëherë u hapën shumë çështje që kanë të bëjnë me shqiptarët. Një Gjykatë e heshtur, e fjetur me dekada, me ardhjen e VLEN-it, me ardhjen e ndryshimit dolën nga sirtarët, shkoj gjuha shqipe, u degradua gjuha shqipe, 8 muaj nuk u prek gjuha shqipe. Ne sot e themi, ky status i gjuhës shqipe në Kushtetutë është nënçmues për shqiptarët dhe ne pretendojmë dhe luftojmë ta përmirësojmë këtë status. Por përderisa e bëjmë këtë do ta ruajmë edhe këtë ligj që ka qenë një lloj acancimi i gjuhës shqipe”, tha Izet Mexhiti – zëvendëskryeministër i parë.

VLEN ka konstatuar se në rastin ALFA ka shkelje ligjore
Zëvendëskryeministri i parë i Qeverisë së Republikës së Maqedonisë së Veriut, Izet Mexhiti sonte përballë gazetarit Fatmir Aliu në emisionin Click Plus ka thënë se VLEN si organizatë politike nuk dëshirojnë si të tjerët, të keqpërdorin rastin ALFA dhe të bëjnë propagandë. Sipas Mexhitit VLEN ka konstatuar se ALFA është një rast ku ka shkelje ligjore, ku ka njeri i cili pafaj po qëndron në burg dhe që VLEN po bënë përpjekje për të dal drejtësia në pah.

“Po punojmë, aty ku konstatohet që ka pasur shkelje të drejtësisë dhe në këtë rast jam edhe unë i bindur që ka shkelje dhe jam i interesuar që drejtësia të del në pah”, ka thënë Mexhiti.

/zhurnal