Mexhiti e kujton Ahmetin se Artani, Fatmiri e Bujari nuk janë të rinj..! (VIDEO)
BDI vazhdon takimet me qytetarët me dy ekipe në terren. Kryetari Ali Ahmeti mbrëmë qëndroi në Bogovinë, ndërsa i ashtuquajturi Grupi i zjarrit ishte në Kërçovë. Ahmeti tha se ja ka dhënë vetes angazhim që gjeneratat e reja të avancohen.
“Ja kam vënë angazhim vetes që gjeneratat e reja të avancohen, të inkurajohen dhe frymëzohen që të marrin mbi shpatulla përgjegjësi, i lirë thatë shekulli i ri, por shekulli i ri nga ne e sidomos nga ju gjeneratat ma të reja pret gjenish”, tha Ali Ahmeti-kryetar i BDI-së.
E nga ana Izet Mexhiti tha se Artan Grubi, Fatmir Besimi dhe Bujar Osmani nuk janë gjeneratë e re, por janë bashkëmoshatar të tij.
“Çfarë reforme d.m.th., thotë të rinjtë t’i përkrahim? Por cilët të rijnë, Artani është një gjeneratë me mu, me Blerimin.
Pse ka erdh më vonë në BDI duhet ta llogarisim që është risi?! Apo Fatmir Besimin, unë e respektoj Fatmir Besimin si ekspert të financave, po a është i financave, a është i mbrojtjes, a i integrimeve apo i tjerave!?
Bujar Osmani a është ekspert i politikës së jashtme, i shëndetësisë, i integrimeve apo zëdhënës?! Pra ne nuk duhet të bëjmë improvizime kinse për reforma”, tha Izet Mexhiti – zv/kryetar i BDI-së.
E pak para takimit me qytetarët e Kërçovës Izet Mexhiti u takua me kryetarin e Komunës së Kërçovës Fatmir Deharin, pas çka postuan edhe një foto.
Dehari nuk mori pjesë në takim e qytetarëve me Grupin e Zjarrit, por përmes rrjeteve sociale kërkoi tejkalimin e këtyre dallimeve dhe apeloi për bashkim të partisë.
VIDEO:
/tv21
