Mes rritjes së çmimeve, qytetarët hapin kuletat edhe për partitë ?

Pavarësisht inflacionit dhe rritjes së kostos së jetesës, qytetarët në Kosovë vazhdojnë të dhurojnë para për partitë politike gjatë fushatave zgjedhore. Sipas raporteve të KQZ-së për zgjedhjet lokale të vitit 2025, dhjetëra qytetarë kanë dhuruar nga 10 deri në 2.000 euro për partitë kryesore, ndërsa shumica e financimit të tyre vjen nga buxheti i shtetit.

Ekspertët paralajmërojnë se donacionet individuale shpesh përdoren për të fshehur burime të tjera financimi, përmes ndarjes së shumave të mëdha në donacione më të vogla ose përdorimit të personave të tretë.

Kjo praktikë, sipas tyre, cenon transparencën, krijon varësi të fshehtë nga grupet e interesit dhe rrezikon integritetin e procesit zgjedhor. Ata theksojnë se sfida kryesore mbetet ndërtimi i një sistemi ku çdo donacion është i verifikueshëm dhe i arsyetueshëm për publikun.

/ina