Merkel nga Beogradi me mesazh të fortë për Kosovën..

Kancelarja gjermane Angella Merkel sot në Beograd deklaroi se çështja e Kosovës duhet të mbyllet para se Serbia të hyjë në BE, por se të gjitha çështjet e tjera të hapura në procesin e integrimit evropian duhet të zgjidhen para kësaj.

Në pyetjen nëse njohja e Kosovës është kusht për anëtarësim të Serbisë në BE, Merkeli në konferencën e përbashkët për media me presidentin serb Aleksandar Vuçiq tha se “disa çështje do të zgjidhen në fund të procesit” të integrimit evropian të Serbisë, informon Beta.

“Kjo çështje (Kosova) duhet të zgjidhet me qëllim që vendet – anëtare të Unionit të përgjigjen pozitivisht për anëtarësimin e Serbisë në BE. Por, nuk ka kuptim të bisedohet për fundin e atij procesi para se të zgjidhen problemet e tjera. Unë jam për qasje pragmatike. Ai duhet të zgjidhet, por unë jam për udhërrëfyesin, ku të gjithë çështjet e tjera zgjidhen së pari”, tha Merkeli.

Ajo deklaroi se BE-ja duhet të ketë “shumë mirëkuptim për konfliktet që duhet të tejkalohen” dhe theksoi se Gjermanisë i duhet “shumë kohë kur bëhet fjalë për unitet dhe njohje të kufijve dhe çështje të ngjashme”.

/koha.mk