Mërgimtari nga Zvicra përplas për vdekje një të ri ! Arrestohet..

Një i ri nga Gostivari ka ndërruar jetë pasi është përplasur nga një veturë BMW me targa të Zvicrës në Gostivar, përcjell TV21. Nga MPB thonë se është arrestuar shoferi i veturës BMW.

“Sot (29.07.2025), në orën 01:40, në Stacionin Policor të Gostivarit është raportuar për një aksident trafiku në rrugën “Ilindenska” në Gostivar, ndërmjet një veture “BMW” me targa zvicerane, e drejtuar nga I.M. (38) nga fshati Balindoll, komuna e Gostivarit, dhe një motoçikletë me targa të Gostivarit, e drejtuar nga A.B. (18) nga Gostivari.

Si pasojë e plagëve të marra, motoçiklisti ka ndërruar jetë në vendin e ngjarjes, dhe mjeku i ndihmës së shpejtë ka konstatuar vdekjen. Vozitësi I.M. është privuar nga liria, ndërsa sipas urdhrit të prokurorit publik, një ekip hetimor nga SP Gostivar ka kryer kontroll në vendngjarje. Pas dokumentimit të plotë të rastit, ndaj tij do të ngrihet kallëzim përkatës”, thonë nga MPB.

/tv21