Mërgimtarët Kërçovarë gati pë ta përkrahur Fatmir Limanin

Të dashur vëllezër e motra të mërgatës kërçovare,
Sot, me plot zemër ju them: mirëseerdhshi në vendlindje!
Çdo herë që ju ktheheni, Kërçova merr frymë më ndryshe.
Ju jeni zemra që rreh jashtë atdheut, por që rreh për Kërçovën.

Ju jeni shpresa dhe forca e këtij qyteti që ka vuajtur, por nuk është dorëzuar kurrë.
Me padurim po e presim 19 Tetorin — ditën kur do të ndodhë ndryshimi i madh në Kërçovë.
Një ndryshim që e kërkon populli, që e meriton rinia, dhe që do ta sjellë Fatmir Limani🇦🇱 bashkë me ju, mërgatën tonë të dashur!

Por sot dua të ndaj me ju diçka që më ka prekur thellë.
Një mik më shkroi:
“Vëlla, nisem me makinë për në Kërçovë, e marr edhe nënën me vete.”
I thashë me kujdes:
“Mirësevjen, por mos e lodh nënën, është rrugë e gjatë, 24 orë.”

E ai më ktheu:
“Nuk e ndal dot nënën, vëlla. Ajo më thotë: edhe nëse vdes në rrugë, hallall e ke me më shti në dhe në Kërçovë.”
A ka dashuri më të madhe se kjo për vendlindjen?
Kjo është mërgata kërçovare — me shpirt, me mall, me zemër të madhe!

Janë këta njerëz që e mbajnë gjallë dashurinë për Kërçovën, për rrënjët, për nënën dhe për tokën e vet.
Prandaj, më 19 Tetor, le ta bëjmë bashkë ndryshimin!
Për Kërçovën që e duam, për të ardhmen e fëmijëve tanë, për dinjitetin tonë!
Rrofshi ju, rroftë mërgata kërçovare, dhe rroftë Kërçova jonë e dashur! 🇦🇱7️⃣🇦🇱

MeFatmirLimanin 🇦🇱
Bashkë do ta sjellim ndryshimin.
Me respekt dhe mirenjohje,
Rahman Ramadani-Mani,
Kordinator pranë shtabit të Fatmir Limanit, Zvicër 🇨🇭
Kërçovë, 16 tetor, 2025

/ms