Me “xhipa” transportonin dru zjarri pa leje, arrestohen katër persona..

Sektori për Punë të Brendshme në Tetovë, njofton se gjatë ditës së djeshme janë arrestuar katër persona nga Çegrani i Gostivarit, përcjell TV21.

Të njëjtit janë kapur me automjetet e tyre, duke transportuar dru zjarri pa leje.

“Policët e SPB Tetovë-Departamenti i Punëve të Brendshme Gostivar, dje (08-shtator) në ora 16:15 dhe 19:00 kanë ndaluar personat Sh.H.(48), I.D.(27), J.D.(38) dhe N.D.(30), të gjithë nga Çegrani i Gostivarit, të cilët janë gjetur në rrugën lokale të fshatit, në zonën “Jolov doll”, duke transportuar dru zjarri pa dokumentet e nevojshme me vetura (xhipa).

Atyre u janë marrë dy automjete, drutë dhe po aq sharra motorike dhe pas dokumentimit të plotë të çështjes ndaj tyre do të vijojnë parashtresat sipas nenit 226 të Kodit Penal për ‘shkatërrim pyjesh’”, thonë nga SPB-Tetovë.

/tv21