Më pak njerëz emigruan në Zvicër në vitin 2025 ?

Në vitin 2025, imigracioni i personave në moshë pune drejt Zvicrës mbeti pothuajse i qëndrueshëm, me një rënie të lehtë prej 1.6%. Sipas Zyrës Federale të Statistikave, 93,086 shtetas të huaj erdhën për të punuar, shumica nga BE/EFTA (84,487), ndërsa imigrimi nga vendet e treta ra me 11.3% për shkak të kushteve më të rrepta dhe sistemit të kuotave.

Komunitetet më të mëdha të huaja janë italianët, gjermanët, portugezët dhe francezët.

Ndërkohë, 82,659 persona u larguan nga Zvicra (+4.8%). Largimet lidhen kryesisht me përfundimin e kontratave të punës, mosrinovimin e lejeve ose përfundimin e studimeve. Sipas studiuesve, puna është faktori kryesor që i mban emigrantët në vend, ndërsa pasiguria në punësim i shtyn të largohen.

/ms