Mazllam Osmani kandidat i Alternativës për kryetar komune

E drejta themelore e shoqërive demokratike është liria që të mund të zgjedhësh dhe të të zgjedhin. Një të drejtë të tillë të mundëson organizimi i zgjedhjeve politike, qofshin lokale apo të përgjithshme. Ne jemi përpara zgjedhjeve lokale, të cilat janë caktuar për 17 tetor 2021, dhe në vazhdën e aktiviteteve që realizon Alternativa për të hyrë në këto zgjedhje e përgatitur dhe për të ofruar potencialin njerëzor e intelektual më të mirë, ajo realizon takime me të gjitha organet dhe strukturat e saj partiake.

Në takimin e fundit me kryetarët e degëve të Alternativës u analizua mundësia dhe forma e pjesëmarrjes në zgjedhje, si dhe mundësia për të gjetur personat të cilët kanë kontribuar më së shumti për shoqërinë dhe banorët e saj deri tani dhe do të jenë edhe më shumë në të ardhmen në shërbim të qytetarëve.

Duke u udhëhequr nga këto parime të demokracisë dhe me idenë se kush janë ata të cilët që kanë dhënë kontribut për shoqërinë dhe mund të kontribuojnë edhe më shumë në të ardhmen, kryetarët e degëve i kërkonin Kryesisë së Alternativës që në zgjedhjet e ardhshme lokale të garojnë me këto kandidatë, me të cilët janë të sigurt se do të bëjnë ndryshimin brenda komunave ku ata veprojnë.

– Në Komunën e Çairit figura e cila rrezaton mirësinë dhe do të ishte kandidati i cili do të vendoste rend dhe do të ishte në shërbim të qytetarëve është figura e doktorit BEKIM SALI. Ky është kandidati i cili i fiton zgjedhjet në Çair dhe për këtë Dega e Alternativës në Çair i drejtohet Kryesisë me propozimin konkret.
– Figurë unifikuese, me vlera morale e kombëtare dhe shumë e respektuar në qytetin e Strugës është po ashtu doktori ARBEN LABËNISHTI. Dega e këtij qyteti është e bindur se kandidatura e tillë është fituese në garat e ardhshme lokale, por gjithashtu do të ishte figura e cila do të sillte ndryshimin pozitiv në menaxhimin e komunës dhe në përmirësimin e gjendjes në interes të qytetarëve strugan.

– Personalitet që ka kontribuar për qytetin e tij, por edhe për çdo qytetarë tjetër të shtetit me punën e tij si ministër është ASAF ADEMI. Andaj dega e Alternativës në Gostivar i kërkon kryesisë që një personalitet i tillë të jetë kandidat për zgjedhjet e ardhshme për Komunën e Gostivarit, meqë me të do gjykojmë se do të mund t’ju shërbenim më së miri qytetarëve.

– Duke u nisur me idenë se kush mund të bëjë më së shumti për qytetin e tij dhe banorët e atij qyteti dhe duke analizuar se një aktivizëm të tillë, në vitet e fundit ka shënuar dhe ka lënë gjurmë, veçanërisht në fushën e kulturës dhe promovimit të saj, është drejtori i Qendrës së kulturës në Kërçovë – MAZLLAM OSMANI. Dega e Alternativës në Kërçovë është e sigurt se me një person të tillë në drejtim të komunës do të ishte me interes dhe në dobi të çdo qytetari.

Përpos analizave dhe konkluzioneve të tjera në takimin me kryetarët e degëve, po i veçojmë vetëm këto për momentim.
– Për Çairin – BEKIM SALI
– Për Strugën – ARBEN LABËNISHTI
– Për Gostivarin – ASAF ADEMI
– Për Kërçovën – MAZLLAM OSMANI
Ndërkaq Alternativa ka shtrirje në të gjitha vendbanimet e banuara me shqiptarë dhe në të gjitha ato do të jetë pjesë e garës për zgjedhjet lokale.

Shkruan prof. Luklzim Ali në facebook