Marsi i beslidhjes së Uskanës me Drenicën. Shkruan Fatmir Limani

Ekzistojnë momente kur koha duket se ndalet për t’i hapur shtegun përjetësisë. Marsi mbetet një nga ato çaste kur ndërgjegja kombëtare ringjallet dhe merr formë në vetëdijen e një populli që nuk e harroi kurrë aspiratën për liri.

Epopeja e Ushtrisë Çlirimtare të Kosovës, e vulosur me gjakun e mijëra çlirimtarëve gjithë familjes Jashari më 5, 6 dhe 7 mars 1998, përfaqëson një nga aktet më të larta të rezistencës në histori.
Vetëflijimi u shndërrua në një moment të madh historik që shumëkush e përjeton si një Rilindje të Re Kombëtare. Kullat e mijëra heronjëve të rënë e të gjallë u kthyen në simbol të sakrificës dhe qëndresës, në një altar ku u thyen prangat e robërisë dhe prej nga u ndriçua rruga e lirisë për të gjitha trojet shqiptare.

Trashëgimia e kësaj epopeje është një përgjegjësi morale dhe kombëtare për brezat pasues, të cilët mbajnë përgjegjësi për rrugëtimin dhe kahjen e kombit tonë.
Lavdia e dëshmorëve nuk duhet të shfaqet vetëm në ditët e shënuara të përjetësimit, por duhet të bëhen gëdhendje në zemër të çdo atdhetari.

– Liria lindi në Llaushë, Prekaz, Dugagjin, Uskanë.., për t’u mbjellur më pas në zemër të çdo luftëtari, i cili i’u përgjigj kushtrimit të udhëheqësve të Brigadave 111-të, Drenicë dhe Uskanë !
Përjetësi kujtimi, për të gjithë të rënët, për çlirim dhe liri !
LAVDI ! F. B. L.

/ms