Maqedonia shpall shtatë ditë zie për tragjedinë në Koçan, dëshmohet edhe njëherë solidariteti njerëzor!

Dita e djeshme ishte tronditëse për secilin e çdokënd që lexoi e kuptoi lajmin për tragjedinë e ndodhur në Koçan të Maqedonisë së Veriut. Nuk u dashtën shumë fjalë për të dëgjuar e shumë tekst për të lexuar mjaftonin pamjet dhe zërat që dëgjoheshin për të ndjerë rrënqethjen në palcë.

Të rinjë e të reja që shkuan pa kurrfarë faji për tu argëtuar nuk u kthyen më në shtëpitë e tyre. Tragjeditë e tilla të lënë pa fjalë, hetimet mbeten në duart e autoriteteve kompetente, por edhe njëherë u dëshmua solidariteti i lartë mes qytetarëve të këtij, ku të gjithë përnjëherë u vuan në shrëbim dhe ndihmë të viktimave dhe familjarëve të tyre, shkruan Zhurnal.

Mbi 100 telefonata kam pranuar nga shqiptarët –
Për tragjedinë e ndodhur dje kanë kuptuar rajoni e bota, për numrat e viktimave janë institucionet komptente që duhet të dalin me shifra zyrtare në mënyrë që të evitohen gjitha spekulimet e mundshme. E rendit është që mediat në këtë situatë të raportojnë me kujdes sepse sy e vesh të gjithë i kanë nga mediat dhe presin lajmin e fundit.

Prandaj, nga ky moment nxirren edhe situata që flasin shumë që tregojnë realitet social e multi-etnik në vend. Një qytetar maqedonas prind, në një paraqitje mediatike me lotë në sy flet nga thellësia e zemres për soldirazimin që kanë treguar qytetarët shqiptarë për rastin në fjalë.

“Nëse u them 50 do ju gënjej merreni dhe shihne telefonin tim më kanë lajmëruar mbi 100 shqiptarë të cilët kanë qajtur bashkë me mua në telefon dhe më kanë ofruar ndihmë”, tha një qytetar maqedonas për një media shqiptare.

Nga këtu qartësisht kuptohet që në tragjedi popujt bashkohen dhe solidraizohen, ky veprim nxjerr në pah virtytin njerëzon e human që në raste të tilla duhet të qëndrojmë bashkë e t’i ndihmojmë me aq mundësi e potencial që kemi.

Përpos shqiptarëve në Maqedoninë e Veriut që janë vë në dispozicion të familjarëve të viktimave edhe shteti shqiptarë ka shprehur gatishmërinë e njëjtë.
“Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit. Jam pa fjalë dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme”, ka shkruar Rama në platformën X.

Në të njëjtën vijë kanë qenë edhe ngushëllimet e shprehura nga presidentja e Kosovës, Vjosa Osmani, dhe kryeministri Albinn Kurti. Pra, një tragjedi njxerr në pah humnaizmin brenda vendi e bashkëpunimin rajonal që ofrohet kur paraqitet nevoja.

Qeveria e Maqedonisë së veriut shpalli shtatë ditë zie –
Në mbledhjen e jashtëzakonshme të Qeverisë të mbajtur dje në ora 16:00, në lidhje me tragjedinë e Koçanit, u morën tre vendime: U shpallë 7 ditë zie shtetërore në nderim të viktimave; U ngarkua Inspektorati Shtetëror i Tregut që, brenda tre ditëve të ardhshme, të kryejë mbikëqyrje të jashtëzakonshme në kabaretë, klubet e natës dhe diskotekat në gjithë vendin, duke raportuar menjëherë te Qeveria mbi gjetjet; Si dhe u aktivizua mekanizmi asistencës ndërkombëtare për mbështetje në këtë situatë të rëndë për vendin.

Neve, si Agjenci e Lajmeve Zhurnal nuk na mbetet tjetër pos që të shprehim ngushëllimet e thella familjarëve të viktivame, të lënduarve shërim sa më të shpejt dhe kthimin në familljet e tyre. Jemi munduar maksimalisht që gjitha lajmet e publikuara në adresën tonë të jenë të verifikuara dhe me burime zyrtare nga institucionet, dhe nuk kemi toleruar asnjë spekulim të mundshëm mbi këtë situatë tragjike.

/Zhurnal.mk