Maqedoni rrogat janë rritur, por s’ka punëtorë..!

Më tepër po kërkohen muratorët, punëtorët e mjeshtrit e ndërtimit, mjeshtrit e pllakave, punëtorë vinçave, ngjyrosës, etj. Por, nuk ka të tillë apo ka shumë pak në këtë vend. Shumica e punëtorëve të profilizuar në këto profesione po punojnë në Kroaci, Slloveni dhe Gjermani, për paga më të larta dhe kushte më të mira pune.

“Mënyra e vetme për të mbajtur punëtorët është t’u sigurohet atyre një standard më i mirë, por punëdhënësit në BeH këtë e kuptuan shumë vonë, për fat të keq, disa ende nuk e kuptojnë”, shkruan “Vecernji list”.

Sipas sondazhit të tregut të punës të kryer nga Agjencia Federale e Punësimit në fund të vitit 2022, profesionet me deficit në 2023 janë: shitës, kamarier, rrobaqepës, bravandreqës, saldator, operator i qendrës së thirrjeve, kuzhinier, shofer kamioni, murator, marangoz, zdrukthëtar, rrobaqepës, elektricist dhe teknik mekanik.

Ka gjithashtu një kërkesë të konsiderueshme për punëtorë mbështetës të prodhimit dhe punëtorë për punë të thjeshta.
Pronarët e kompanive që punojnë në këtë zonë thonë se alarmi është ndezur pasi edhe me rritjen e pagave nuk ka kush të punojë.

Punëtorët në fushën e ndërtimit, ngjyrosësit, mjeshtrit e pllakave kanë mëditje ditore mbi 60 – 70 euro. Edhe punëtorët e thjeshtë ndihmës paguhen deri 50 euro në ditë, pasi që vështirë të gjenden.

Kompanitë në BeH vendosin të punësojnë njerëz nga vende të ndryshme, kështu që nuk është e rrallë të shohësh punëtorë nga Nepali, Bangladeshi, etj.

/(INA)