Maqedonia në vendin e 112-të me ushtrinë , shumë pas Shqipërisë ?

Shqipëria ka shënuar përparim të madh, duke u ngjitur nga vendi i 90-të në vendin 78-in. Sllovenia renditet në pozitën 96, Maqedonia e Veriut në 112, Mali i Zi në 127, ndërsa Bosnja dhe Hercegovina në vendin e 132. Kosova ndodhet pothuajse në fund të listës – në pozitën 141 nga gjithsej 145 vende të analizuara

Shkup, 22 janar – Faqja amerikane “Global FirepoWer”, e specializuar në analizën e kapaciteteve ushtarake të shteteve, ka publikuar renditjen e Vitit të Ri për forcat ushtarake më të fuqishme në botë për vitin 2025. Në këtë listë, Maqedonia renditet në vendin e 112-të nga gjithsej 145 ushtri të renditura. Indeksi i “Global FirepoWer” nuk mat vetëm numrin e tankeve, avionëve apo ushtarëve. Renditja bazohet në më shumë se 60 indikatorë, përfshirë buxhetin ushtarak, numrin e ushtarëve aktivë dhe rezervë, kapacitetet logjistike, numrin dhe larminë e armëve, infrastrukturën, disponueshmërinë e burimeve natyrore, si dhe pozicionin gjeostrategjik të shtetit, shkruan gazeta KOHA.

Merret parasysh edhe niveli teknologjik, që do të thotë se vendet me sisteme më të sofistikuara të komandës dhe kontrollit, mjete ajrore pa pilot (dronë) të avancuara dhe kapacitete kibernetike kanë një avantazh të konsiderueshëm.
Sa i përket vendeve të rajonit, Rumania renditet në vendin e 51-të, ndërsa Hungaria në vendin e 55-të, që përbën një rezultat më të dobët krahasuar me vitin e kaluar. Bullgaria mbetet në pozitën e 62-të.

Menjëherë pas saj vjen Serbia, në vendin e 63-të, që përfaqëson një rënie të ndjeshme krahasuar me vitin 2024, kur ishte në pozitën e 56-të. Kroacia shënoi rënien më të madhe negative në rajon – nga vendi i 66-të në të 74-tin, pra një rënie prej nëntë pozicionesh. Në të kundërt, Shqipëria ka shënuar përparim të madh, duke u ngjitur nga vendi i 90-të në të 78-in.

Sllovenia renditet në pozitën e 96-të, Maqedonia e Veriut në të 112-in, Mali i Zi në të 127-in, ndërsa Bosnja dhe Hercegovina në vendin e 132. Kosova ndodhet pothuajse në fund të listës – në pozitën e 141-të nga gjithsej 145 vende të analizuara. Dhjetë vendet kryesore në botë sipas indeksit të fuqisë ushtarake për vitin 2025 janë: Shtetet e Bashkuara të Amerikës, Rusia, Kina, India, Koreja e Jugut, Mbretëria e Bashkuar, Franca, Japonia, Turqia dhe Italia.

/koha