Maqedonia i gjith shteti po mbytet në mbeturina ?

Maqedonia po mbytet në mbeturina. Në nivel shtetëror ekzistojnë plot 53 deponi që nuk i plotësojnë standardet. Sipas Darko Blinkov, Inspektor Shtetëror për Mjedis, shqetësues është fakti që çdo verë ndodh që ato të digjen si pasojë e neglizhencës dhe mungesës së shërbimeve dhe aktiviteteve më të mira nga ndërmarrjet publike komunale.

“Mbi 2000 lokacione të tilla ka në territorin e të gjithë shtetit, për të cilat është e nevojshme që shërbimet komunale, inspektorët dhe mbajtësit lokalë të rendit, të forcojnë kapacitetet e tyre për të parandaluar këto dukuri,” deklaroi Darko Blinkov – Inspektorati Shtetëror për Mjedisin.

Ndër 53 deponitë jostandarde janë edhe ajo e Bukovës pranë Ohrit dhe ajo në hyrje të Strugës. Vetëm në rajonin e Ohrit, sipas aktivistëve civil, ka mbi 60 deponi të tjera të egra.

“Bukova vetvetiu nxjerr tym, sepse është e stërmbushur. Viti 2020 ishte afati i fundit për shfrytëzimin e saj. Tani Bukova është në gjendje të tillë që edhe për ndërmarrjen komunale është e vështirë të depozitojë mbeturina aty,” tha Dragana Karashova – Nisma qytetare “Lamtumirë Bukovë.

“Në sezonin veror ky problem është i theksuar, deponia është vazhdimisht në gjendje të djegur. Sa më shpejt duhet të merren hapa për ndërtimin fizik të deponisë rajonale në Novaci,” u shpreh Gjoko Zoroski – ambientalist.

Zgjidhja qëndron në ndërtimin e deponive rajonale, proces që është zvarritur prej vitesh. Për komunat e rajonit Jugperëndimor dhe të Pellagonisë, deponia do të ndërtohet në Novac të Manastirit

/alsat.mk