Maqedonia do të mbetet vetëm vend varimi, për kthimin e mërgatës me arkivole..!

Maqedonia e Veriut ka perspektivë, por jo kështu!
Nuk mund që të ri indiferent kur për arsye të panjohura ndërmerren veprime shterpe, duke thyer rregullat bazë të ekonomisë së tregut!

Si duket as “Open Ballkan” nuk i amortizon shuplakat ekonomike! Ndërsa ministri ynë i ekonomisë e kufizon rritjen e çmimeve, në vend që t’i ulë tatimet, akcizat ose të pakësoj doganimin e produkteve jetësore bazë!

Duke marrë parasysh se edhe me dy pjesëtarët tjerë situata në është më e mirë, poqese është në fuqi funksionimi i unionit ” Open Ballkan “!

Dhe na vë në dilemë se, unioni i përmendur është vetëm politik, për t’u solidarizuar mes vete që të qëndrojnë më gjatë në pushtet! Asnjëri nga këto shtete nuk qëndron mirë në luftën me korrupsionin! As që mund të bëjmë diçka ndaj këtij fenomeni, përveç se të shprehim opinionin tonë për këtë!

Nuk është fare e kuptueshme dhe aspak e logjikshme kur vendet sikurse Maqedonia e Veriut dhe Shqipëria, të cilat kanë potencial që ta furnizojnë tërë Europën me pemë e perime të vijmë në gjendje mos mund të takohemi me këta produkte në tryezat tona!

Por, këtu fshihet diçka tjetër e rrezikshme! Këtu nuk stimumulohet ekonomia dhe prodhimtaria bujqësore! Subvencionet nuk realizohen për të evituar dukuritë në fjalë, por bëhen në baza partiake apo mundësojnë poqese rikthehet një pjesë e konsiderueshme korrupsion!

Dikur shkollat tona bujqësore ishin me nivelin e shteteve elitare europjane, kur Tetova jonë furnizonte me MOLLË, GROSHË, SPECA, DOMATE E PATATE të kualitetit të lartë 22 milionë shtet! Ndërsa sot është e varur nga GROSHA e Ukrainës apo kilogrami i qepës të jetë sa dyfishi i portokallëve, edhe pse në çdo oborr mund të mbjellin DOMATE e QEPË , veçanërisht nëpër fshatra!

Do të jem më shumë vetëkritikë kësaj here! Nuk mund të presim zbritjen e çmimit të vezëve, përderisa askush nuk mban pula në fshat! Kjo vlen edhe për mishin dhe qumështin përderisa askush në fshat nuk mban kafshë, qoftë të mëdha ose të vogla, përveç një numri simbolik fermerësh!

Nënkuptohet, me të gjitha këto anomali, mungojnë produktet e mishit dhe qumështit, ndërsa Ministria e Ekonomisë është përcaktuar që të kufizojë marzhën dhe çmimin, në vend që t’i subvencionin!

Është mjerim që në Maqedoninë e Veriut, të shihet djathi i Danimarkës dhe Francës apo produktet e qumështit nga Turqia Sllovenia dhe Bosnje e Hercegovina më lirë se produktet vendore!
Si duket zanafilla e kësaj problematike e ka burimin që nga pavarësia e Maqedonisë! Ndërsa dëmin më të madh e bënë ndihmat që hynin pa kontroll as të cilësisë e as të sasisë!

T’i dhurosh tekstil një shtetit që ka qenë fuqi europiane e tekstilit, qëllimi është që t’ia shkatërrosh industrinë! T’ia dhurosh grurin dhe misrin, është shkatërrim i bujqësisë! T’i dhurosh kofshë pule të ngrira apo mish nga magazinat, ndoshta me afat të skaduar, është shkatërrim i shpezëtarisë dhe blegtorisë!

Ndërsa nga ana tjetër të mos e subvenciononi bujqësinë me mjete bujqësore dhe mënyra tjera, me mjete financiare dhurime të farërave plehrave azotik apo forsforik! Dikur në Maqedoninë e sotme mbillej edhe nga bimët profitabile industriale, sikurse duhan, pambuk afion oriz, kallam etj. Ndërsa me pemët e perimet ishim lideri rajonal!

Sot biznesi kryesor i popullatës së mbetur më nuk janë fabrikat por mjerisht, PASTRIMI I OBORREVE DHE SHTËPIVE TË BRAKTISURA TË MËRGIMTARËVE TANË! Oborret tona në vend të pemëve kanë bredha dhe drunjë jo frytdhënës! Në vend të fëmijëve me shumicë shihemi me QEN ENDACAKË!

Qeveria jonë nga shteti gjerman kërkon ndihma sociale, jo diçka që Gjermania është borxhlinj ndaj Maqedonisë së Veriut, për arsye të shkollimit të kuadrove të të gjitha profileve të ciklit të mesëm dhe të lartë ( mjekësi informatikë teknologji etj.) , që Maqedonia e Veriut me ekonomi më dobët në Europë bartë ngarkesë financiare të arsimimit të mesëm obligativ, ndërsa me mijëra motra medicinare dhe mjek ia dhuron Gjermanisë pa kurrfarë kushti, ndërsa pacientët i vdesin nëpër korridore të spitaleve apo në vendin e kujdesit na personeli, pacientët shoqërohen nga familjarët e tyre që sipas ligjeve nuk duhet as kontakte të kenë me të sëmurët!

Por, më ne jemi shtet i pleqve, pensionistëve të kthyer nga mërgimi, qenve endacak administratorëve dhe banorëve të pa aftë, të cilët në huti presin shasin e vetëm t’i punësojë partia në pushtet apo të shpërngulen sikurse shumica! Ndërsa shteti ynë do të mbetet vetëm vend varimi, për kthimin e mërgatës me arkivole!
Shkruan Ferat NESIMI

/a-news24.com