Maqedoni: Për 3 ditë janë shqiptuar 3.142 gjoba..

Nga Ministria e Punëve të Brendshme njoftojnë se gjatë fundjavës(14.02.2025/15.02.2025/16.02.2025) kanë shqiptuar 3.142 gjoba në trafik, përcjell TV21. Sipas MPB-së, 1.314 gjoba tashmë janë paguar.

“Sipas treguesve statistikorë, shkeljet e shpejtësisë janë më të shpeshtat, me gjithsej 1498 shkelje, kundrejt 535 urdhërpagesave të dhëna për parkim të paligjshëm.

Gjithashtu, ajo që është veçanërisht e rëndësishme për analizë është fakti se gjatë fundjavës është rritur numri i drejtuesve të automjeteve pa patentë shoferi-247, si dhe shoferëve të cilët kanë vozitur nën ndikimin e alkoolit – 111.

Gjithashtu, janë shqiptuar 153 gjoba për mos vendosje të rripit të sigurimit, 56 për përdorim të celularit gjatë drejtimit të automjetit, si dhe janë zbuluar 58 automjete të paregjistruara që marrin pjesë në komunikacion”, shtojnë nga MPB.

/tv21