Maqedoni: Nuk ka më paga të larta për funksionarët e lartë..!

Një nga veprimet më skandaloze dhe të pahijshme të ish pushtetit ishte rritje rapide e pagave të funksionarëve shtetëror në 78%. Ky veprim u kritikua në masë të madhe nga opinioni publik dhe u pa si diçka e pahijshme dhe në kundërshtim me fjalët e tyre. Derisa gojën plotë ndihmë ndaj qytetarëve nga ana tjetër mbushin xhepat e tyre me paratë e qytetarëve.

Por, kjo gjë mori fund me ndryshimin e pushtetit, tani qeveria aktuale, saktësisht Komisioni parlamentar për Zgjedhjet dhe Emërimet votoi për uljen e koeficientëve për përcaktimin e pagave të funksionarëve të lartë. Me çka nuk do të kemi më paga të larta për funksionarët e lartë, shkruan Zhurnal.

Nuk ka më rritje të pagave për të zgjedhur dhe të emëruarit –
Funksionarët e lartë nuk do të kenë rritje të pagave në shkurt pasi Komisioni parlamentar për Zgjedhjet dhe Emërimet votoi për uljen e koeficientëve për përcaktimin e pagave të tyre.

Vendimi i votuar nga 11 anëtarë të komisionit, parandalon rritjen e pagave që do të shkaktonte aplikimi i koeficientëve aktualë.
Paga e zyrtarëve përcaktohet duke shumëzuar pagën mesatare vjetore nga viti paraprak me një koeficient që varion sipas kompleksitetit të punës.

Qytetarët kishin shprehur revoltë të hatashme kundër pagave të zyrtarëve që i pati rritur ish pushteti LSDM-BDI –
Funksionarët e cilësojnë veten si elitë, ndërsa nuk mendojnë aspak për popullin. Kështu shpreheshin qytetarët e revoltuar për pagat e zyrtarëve, të cilat u bënë shumë më të larta bazuar në vendimin e Kushtetueses. Qytetarët e anketuar ishin të mendimit se rritja nuk duhej të lejohej.

“Nuk duhet të lejohet, duhet që kjo gjë ligjërisht të ndalohet, pasi që nuk e kanë merituar…Kjo është normale, kur në shtet nuk funksion asgjë, atëherë funksionarë shohin se si të sigurojnë sa më shumë të ardhura për vete derisa janë në funksion, për popullin nuk gajlosen fare”. “Pikë së pari duhet të fillojnë rritjen e pagave te pensionistët dhe rrogat që janë të ulëta, pastaj duhet të shohin për vete, se ata kanë ardhur në ato pozicione, i kanë ato merita prej popullit, duhet shumë të jenë kujdesshëm që të mos i hyjnë në hak dhe borxh kësaj popullate, se me të vërtetë janë duke vuajtur me të madhe”.

“Nuk është aspak në rregull, kjo flet se ata shquhen si një elitë e veçantë dhe aspak nuk janë me popullin. Thjesht mendojmë se i gjithë buxheti shkon për mëditje të tyre, shpenzime rrugore, nuk ka investime dhe kjo është për kritikë, siç besoj nuk jam e vetmja, mendoj se shumica e mendojnë këtë”. “Ky shteti jonë na i vjedh paratë tona, paguaj taksa këtu atje, rrit rrogat ma lart, na pensionet më të vogla, duhet t’i rrisin edhe për ne, punë s’ka asgjë nuk ka ky shtet”.

“Nuk është kjo mirë, vetëm për funksionarët, e çfarë do të bëjnë punëtorët, klasa normale me 300-400 euro, këtu ka shtrenjtim… Me ato para që marrin pensionistët, mund të vdesin dhe të shkojnë, asgjë tjetër nuk mund të bëjnë. Këtu nuk ka asnjë perspektivë”. “Edhe unë mendoj njëjtë, duhet për pensionistët të mendohet pak”.

“Me 7 mijë denarë nuk mund të ia dilni me këto shtrenjtime. Çfarë do të paguani, ujë, rrymë, nuk e di, nipërit shkojnë në shkollë me 7 mijë denarë, unë nuk mund të jetoj”. “Ata nuk kanë tru, ky popull prej çfarë po jeton, ja unë kam pension, thanë 8,4% do ta rrisin, nuk e rritën, ja këtë të fundit prapë 6,4. Me gënjeshtra nuk bëhet shtëpia…”.

Rritja e pagave për zyrtarë për 78% ishte absurde përderisa rritja e pagave në sektorët tjerë nuk e ka kaluar 15 përqindëshin asnjëherë –
Rritja e pagave me një sasi enorme gjatë qeverisjes me shtetit nga pushteti i kaluar erdhi pasi Gjykata Kushtetuese shfuqizoi nene për pagesën e pagave, por ky veprim nuk kaloi në heshtje shkaktoi reagime të shumta në opinion.

Ish presidenti i shtetit, Stevo Pendarovski, pati ftuar qeverinë që të gjendet zgjidhje ligjore me të cilën do të rregullohet çështja duke ulur pikët e pagave. “Konsideroj se është nuk është mirë që në një periudhë krize ekonomike të rriten pagat të cilat paguhen nga buxheti shtetëror.”, u pati shprehur Pendarovski.

Rritja e pagave prej 78% është veprim skandaloz dhe i papranueshëm për qytetarët, sepse me automatizëm është nënvlerësim i punëtorëve tjerë. Shërbyesit e popullit të quajtur në teori të paguhen me paga marramendëse e shumë të larta, shumëfish më të larta se pagat mesatare në vend, tregon qartazi se zyrtarët nuk e kanë hallin e qytetarëve, por se si të pasurohen më shpejt e më shumë.

Kujtojmë që, sipas atij vendimi të gabuar, ish presidenti Stevo Pendarovski, ish kryetari i Kuvendit, Talat Xhaferi, dhe ish kryeministri, Dimitar Kovaçevski, kishin rritje të pagave prej rreth 70 mijë denarë.

Deri para vendimit kishin marrë rreth 90 mijë, e pastaj rreth 160 mijë denarë, apo rreth 2.610 euro në muaj. Gjithashtu edhe, Artan Grubi, Oliver Spasovski, Sllavica Gerkovska, Fatmir Bytyqi, Sllavjanka Petrovska, dhe Bojan Mariçiq, merrnin paga me vlerë mbi 2.000 euro.

/Zhurnal.mk