Maqedoni kërkohet rritja e pagës minimale në 500 Euro..

Pas kërkesës së Lidhjes së sindikatave të Maqedonisë që të rritet paga minimale, Oda Ekonomike e Maqedonisë Veriperëndimore doli me propozim që ajo të jetë 500 euro, ndërsa kontributet të mbeten në nivelin e pagës së tashme minimale.

Këtë qëndrim të Odës sot e konfirmoi edhe kryetari i saj Mendi Qyra, i cili vlerëson se kjo është mënyra e vetme që të zgjidhet paga minimale në periudhë më të gjatë.

“Po, ne mbetemi në atë qëndrim që paga minimale të jetë 31.500 (denarë) ose reth 500 euro dhe kontributet të mbeten të njëjta dhe mendojmë se kjo është zgjidhja e vetme dhe mënyra që të zgjidhet paga minimale për shumë vite”, deklaroi Qyra, duke iu përgjigjur pyetjes së gazetarëve para takimit që Oda Ekonomike e Maqedonisë Veriperëndimore pasdite e organizoi me përfaqësues të Qeverisë.

Edhe nga LSDM akuzojnë pushtetin aktual se për gati 8 muaj në Qeveri, ende nuk është rritur paga minimale, kurse paga mesatare ka stagnuar edhe përkundër të shtrenjtimit të jetesës.

/lajmpress