Maqedoni ja sa kushton të rrisësh një fëmijë..Nga Driton Dikena
Është llogaritur kohët e fundit se çmimi për të rritur një fëmijë deri në moshën 18 vjeç është afërsisht 160.140 €uro.
Por këto 160.140 €uro nuk janë aq shumë nëse përkthehen në:
– 8.897 €uro në vit
– 741 €uro në muaj
– 171 €uro në javë
– 24 €uro në ditë
– 1 €uro në orë.
Nëse mendon akoma se këshilla më e mirë është të mos kesh fëmijë, nëse do të bëhesh “i pasur”…gabohesh rëndë!!!
E di se çfarë merr në shkëmbim të 160.140 €uro të tua?
– Të qeshura nën batanije çdo mbrëmje
– Puthje që të lagin faqet
– Përqafime të buta të buta
– Një dorë për t’u shtrënguar
– Dikë me të cilin të frysh flluska sapuni
– Dikë me të cilin të qeshësh sa të të dhëmbë barku (sido që të ketë qenë dita jote e punës)
– Më shumë dashuri seç mund të durojë zemra jote
Për 160.140 €uro, nuk do të të duhet kurrë të rritesh:
– Mund të ngjyrosësh me bojra
– Të luash kukafshehti
– Të ndjekësh flutura dhe xixëllonja
– Të luash me makina dhe me kukulla
– Të vazhdosh të besosh tek Babagjyshi i Vitit të Ri
– Ke një justifikim për të vazhduar të lexosh përralla në moshën tënde, të shikosh filma vizatimorë, të presësh lule letre, të gjuash me gurë në valët e detit, të shprehësh një dëshirë kur sheh një yll që bie.
Nuk ka rendiment më të mirë për ato 160.140 €uro.
– Bëhesh një hero vetëm se zbret një top nga pema ku ka ngecur, mëson të ecësh me patina, mbush një pishinë plastike me ujë ose gatuan një tortë me çokollatë!!!
Për 160.140 €uro ke një vend të prenotuar në rreshtin e parë afër skenës:
– Hedhjen e hapit të parë
– Thënia e fjalës së parë
– Ditën e parë të shkollës
– Xhiron e parë me biçikletë pa rrotat e vogla
– Takimin e parë të dashurisë
– Herën e parë në timon.
Në sytë e fëmijëve të tu ti je çdo ditë hero
– Ke fuqinë të largosh dhimbjet e plagëve me një puthje,
– të largosh përbindëshat e këqinj poshtë krevatit, të ngushëllosh një zemër të thyer,
– ta duash pa kufij.
Si thua?
Ia vlejnë aq para për gjithë këtë mrekulli apo jo?!!!
Shkruan ish gazetari Driton Dikena në facebook
