Maqedoni funksionarëve i’u rritet paga..!

Pagat e funksionarëve nuk do të ulen dhe as nuk do të mbeten të njëjta, por do të rriten minimalisht. Përderisa u parandalua një rritje enorme prej 15,3% ndryshimet ligjore sollën disa përfitime për ta.

Një pjesë e zyrtarëve nga rroga e shkurtit do të marrin rritje minimale prej 500 denarësh, të tjerët deri në 2000 denarë.
Ndryshimi është se koeficientet me të cilët shumëzohet baza për llogaritjen e pagës është ulur gjysmë pike.

Paga bazë është paga mesatare në vitin paraprak, e cila për vitin 2023 ishte 36.614 neto. Vitin e ardhshëm kur do të rritet baza, bashkë me të rriten dhe pagat e funksionarëve të shtetit.
Me ndryshimin e pakos së 6 ligjeve që hynë në fuqi, pagat e funksionarëve janë korrigjuar që nga shkurti.

Profesori ekonomik, tani më në pension Sami Bislimi e tha troç se këto ndryshime ligjore janë bërë vetëm për të zbutur revoltën e qytetarëve për të mos reaguar më ndaj rritjes enorme prej 78%. Ai thotë se për qytetarët pagat e funksionarëve janë e keqja më e vogël krahasuar sipas tij me vjedhje të tjera.

“Nuk shoh, si mundet që Kuvendi kinse po zbret koeficientin e pagave të funksionarëve, a kjo nuk paraqet asnjë zbritje, kjo është vetëm formale. Si ka mundësi të kemi një udhëheqësi të tillë, e cila nuk vepron në interes të shtetit dhe të qytetarëve. Kemi rroga Evropiane të funksionarëve, kurse rrogat e punëtorëve janë Afrikane. Këta janë funksionarë të rastit që iu ka dhënë shansi të bëjnë para, të përfitojnë pasuri me rroga, me tenderë, me gjëra të ndryshme dhe po e shfrytëzojnë rastin sepse populli ynë gjithmonë e ka bërë traditë të ecë me kokë ulur”, tha Sami Bislimi, ekspert ekonomik.

Për ekspertët ekonomikë kjo po bohet për të zbutur revoltën e qytetarëve, të cilët ishin kundër rritjes për 78% të pagave të funksionarëve.
Dhe kjo tani u la në harresë duke u përpjekur që me ndryshime ligjore të ulet koeficienti i pagave në mënyrë që mos tu rriten edhe për 15% më shumë pagat e 1060 të zgjedhurve dhe të emëruarave.

/alsatm