Maqedoni: Fundjavë e ftohtë me reshje të shiut dhe borës..

Sinoptikët paralajmërojnë se gjatë fundjavës do të mbajë mot kryesisht i vranët me reshje të përkohshme të cilat në pjesët perëndimore dhe jugore do të jenë më të dendura (mbi 60 l/m2).

Në zonat malore reshjet do të jenë me borë nga 40 deri në 50 cm, në vendet më të larta nga 10 deri në 30 cm, derisa në disa vende më të ulëta nga shiu dhe bora dhe do të formohet sipërfaqe më e vogël e borës.

“Në pjesët juglindore do të ketë vetëm reshje të shiut. Do të fryjë erë mesatare, kurse në zonat malore do të fryjë erë e përforcuar nga drejtimi verior. Më pas deri në mesin e javës së ardhshme do të mbajë mot stabil me mjegull nëpër disa pjesë të luginave”, informojnë nga DPHM-ja.

Në Shkup do të mbajë mot kryesisht i vranët me reshje të kohëpaskohshme të shiut dhe borës që herë pas herë do të jenë më të dendura. Në viset malore reshjet do të jenë me borë.

/zhurnal