Maqedoni bllokohen llogaritë e 700 kompanive, nuk i kishin paguar rrogat e punëtorëve..

Në konferencën e sotme për media, Drejtoria e të Ardhurave Publike bëri të ditur se 700 kompanive u janë bllokuar llogaritë në vitin aktual për shkak të mos pagimit të pagave në kohë.
Llogaritë më të bllokuara kanë qenë te hoteleriet – 240, të ndjekura nga transporti, aktivitetet legale, riparimi i automjeteve, sallonet e flokëve, etj.

Për pagën e shtatorit, 3,730 punëdhënës nuk paguanin 8,673 punëtorët e tyre dhe mbi 5,000 kompani nuk paraqitën në DAP një llogaritje për të ardhurat mujore të 8,460 punonjësve.

Midis këtij numri, 8,141 punëdhënës kishin më shumë se 1 punonjës. Sipas kompanive, kompania më e madhe me paga të papaguara për muajin shtator është nga pastrimi i ndërtesave dhe objekteve me 378 punëtorë, e ndjekur nga një kompani e mbrojtjes dhe e sigurisë me 184 punonjës dhe në vendin e tretë renditet një subjekt i arsimit të lartë me mbi 80 paga të papaguara.
Nga gjithsej 68.893 punëdhënës në vend, vetëm rreth 47.000 e kanë paguar pa vonesë pagën brenda afatit të parashikuar ligjor.

/ts