Manifestimi i Isrsë dhe Miraxhit në Myftininë e Kërçovës

Sonte, pas namazit të Jacisë, në Xhaminë Sulltan Bejazit në Kërçovës, Myftinia e Kërçovës organizoi aktivitet me rastin e përkujtimit të ngjarjes së Israsë dhe Miraxhit.

Myftiu i BFI-së në Kërçovë Qamil ef. Rushiti, pasi përshëndeti të pranishmit, uroi dy ligjeruesit bashkë me Këshillin dhe imamin e Xhamisë për mikpritjen, ai foli edhe për rëndësinë e kësaj ngjarje madhështore që i jep kuptim jetës së besimtarit.

Imami i parë panelist h. Adi ef. Beshiri, foli për mesazhet dhe porositë kryesore të Israsë dhe Miraxhit, duke potencuar shkaqet, pasojat dhe porositë deri në Ditën e Gjykimit, ndërkaq imami i dytë h. Medin ef. Mirtoski, foli për kronologjinë e ngjarjes së Israsë dhe Miraxhit duke i dhënë rëndësinë shpirtërore dhe legjislative të emanetit nga Miraxhi i Pejgamberit a.s. – pra namazi.

Pas tyre, imami i nderuar Qemal ef. Mahmud, freskoi zemrat e besimtarëve me një ilahi të bukur, kështu duke përmbyllur aktivitetin me lutje që Allahu i Madhërishëm ta pranojë!
Allahu i shpërbleftë të gjithë!

/ms