Mahmut Ferati: Publiku më ka ngritur dhe më ka sjellë deri këtu

Sonte në Tetovë mbahet koncerti jubilar i këngëtarit të njohur Mahmut Ferati, me rastin e 50-vjetorit të karrierës së tij artistike. Kjo mbrëmje e veçantë sjell një përmbledhje të rrugëtimit të tij muzikor, me këngë që kanë shoqëruar breza të tërë dhe kanë trajtuar tema si malli, gurbeti, dashuria dhe atdhedashuria.

Për publikun, Mahmut Ferati mbetet një nga zërat më të dashur të këngës popullore shqiptare.

Në intervistë për Portalb.mk, ai flet për emocionet e koncertit jubilar, momentet më të paharrueshme të karrierës, bashkëpunimet me artistë si Shyhrete Behluli, Shaqir Cërvadiku dhe grupin Elita 5, si dhe për rëndësinë e ruajtjes së muzikës popullore shqiptare.

Ai përcjell edhe një mesazh për brezat e rinj, duke theksuar se suksesi arrihet me përkushtim, dashuri dhe respekt për këngën.

/portalb