Lufta në Ukrainë, Tramp: Jemi në rrugën e duhur për të arritur paqe

Presidenti i Shteteve të Bashkuara, Donald Tramp, i ka rritur përpjekjet për ta ndërmjetësuar një marrëveshje për paqe, në mënyrë që t’i japë fund luftës në Ukrainë, pasi bisedoi me presidentin e Rusisë, Putin. Tramp tha në rrjetin e tij social se janë në rrugën e duhur për të arritur paqe.

Presidenti amerikan theksoi se pas telefonatës me Putinin, foli edhe me presidentin ukrainas Zelenski, por nuk u shpreh qartë nëse Ukraina do të jetë pjesëmarrëse e barabartë në negociatat me Rusinë. Sakaq, Tramp ka thënë se anëtarësimi i Ukrainës në NATO nuk do të ishte “praktike.

” Nga ana tjetër, disa vende aleate të NATO-s kanë theksuar se Ukraina dhe Evropa nuk duhet të përjashtohen nga bisedimet për paqe, pasi administrata e presidentit amerikan Donald Tramp sinjalizoi se synon fillimin e bisedimeve ballë për ballë me Rusinë, pa përfshirë ato. Pushtimi i plotë i Ukrainës nga Rusia po i afrohet përvjetorit të tretë këtë muaj.

“Patëm një telefonatë të shkëlqyer me Putin. Kam pasur edhe me presidentin Zelenski një telefonatë shumë të mirë pas kësaj. Dhe mendoj se jemi rrugës për të marrë paqen. Mendoj se presidenti Putin dëshiron paqe dhe presidenti Zelenski dëshiron paqe dhe unë dua paqe. Dua vetëm t’i shoh njerëzit të mos vriten më”, tha Donald Trump, president i SHBA-së.

/Alsat.mk