Lucern: Ja si ndodhi arrestimi i shqiptarëve nga Shqipëria për trafikim droge..
Në një operacion masiv, policia zvicerane kishte hetuar grupe kriminale të trafikimit të drogës që po transportonin në shtetin e Zvicrës, transmeton albinfo.ch.
Në fund të muajit që shkoi, operacioni u zhvillua pikërisht në kantonin e Lucernit, duke i arrestuar 27 persona, si grup bashkëpunues, ku mes tyre kishte edhe disa shqiptarë nga Shqipëria.
Pas disa ditësh nga arrestimet, thuhet se nga materialet, hetimet që ka ndërmarë policia, prokuroria zvicerane, të arrestuarit janë një rrjet trafiku droge që vepronin në kantoni e Lucernit. Hetimet çdoherë e më shumë janë bindëse lidhur me arrestimin e tyre.
Raporti policor tregon se nga intervenimi i tyre për të ndalur këtë rrjet droge, përveç arrestimit të dyshuarve, u gjetën në total 14,5 kilogramë kokainë, tetë kilogramë heroinë, tre kilogramë marihuanë dhe 30 kilogramë produkte të tjera bari.
Përveç këtyre statistikave të lartpërmendura, policia zvicerane sekuestroi rreth 160 mijë franga, të përfituara nga trafiku i drogës.
Mes të dyshuarave është një grup kriminal shqiptar aktiv në trafikun ndërkombëtar të drogës nga prilli 2020 deri në mars 2021, tregoi prokuroria zvicerane.
Thuhet se autorët kanë importuar sasi të mëdha droge në Zvicër për rishitje, ndërkohë që rrjeti operonte me lokacion të kantonit të Lucernit. Droga shitej në të paktën 13 kantone dhe tregtia ishte e organizuar në mënyrë profesionale.
Pas gjykmit të secilit në bankën e të akuzuarve, gjykata zvicerane do të vendosë dënimet për ta. Kujtojmë se Zvicra ka ligje strikte, veçmas për trafikim droge, ku dënimi i tyre do të jetë me shumë vjet burgim.
/Albinfo.ch
