Lëvizja Qytetare “Te Berza” shpërndau kurbanë për qytetarët e Kërçovës

Me rastin e festës së Kurban Bajramit, Lëvizja Qytetare “Te Berza” realizoi me sukses edhe këtë vit shpërndarjen e mishit të kurbanëve për familjet në nevojë në qytetin e Kërçovës dhe rrethinë.

Kjo nismë tashmë është shndërruar në një traditë të çmuar që synon të sjellë ndihmë konkrete dhe gëzim në sofrat e atyre që kanë më shumë nevojë në këto ditë të bekuara.

Falë përkushtimit të anëtarëve të lëvizjes dhe zemërgjerësisë së qytetarëve që kanë bërë nijet për kurban, kjo iniciativë po zgjerohet nga viti në vit. “Zoti ua shpërbleftë të gjithëve që kontribuojnë me zemër të hapur,” u shprehën përfaqësuesit e “Te Berza”.

Shpërndarja u krye në mënyrë të organizuar dhe me përkushtim.
Ky veprim përbën një shembull të qartë të vlerave tona tradicionale dhe shpirtit të bashkëpunimit që e karakterizon komunitetin tonë.

/tvgurra