Lëvizja BESA – Kërçovë themeloi nëndegën e saj në fshatin Haranjell

Sot shënojmë një hap të rëndësishëm në angazhimin tonë për të forcuar dhe përfaqësuar sa më denjësisht qytetarët tanë. Me krenari dhe përkushtim, ju njoftojmë për themelimin e nëndegës së Lëvizjes Besa në Haranjell, një strukturë e cila do të shërbejë si një urë lidhëse midis komunitetit dhe vizionit tonë për një të ardhme më të ndritur.

Kjo nëndegë nuk është vetëm një simbol, por një angazhim konkret për të qenë pranë jush, për të dëgjuar shqetësimet dhe për të punuar së bashku për ndryshime pozitive. Në një kohë sfidash dhe mundësish, ne jemi të përkushtuar që të ndërtojmë një komunitet më të fortë, më të bashkuar dhe me një perspektivë më të qartë për të ardhmen.

Rinia do të ketë një rol kyç në këtë nismë. Do të krijojmë hapësira dhe mundësi për të rinjtë tanë, duke i mbështetur dhe fuqizuar ata, që të ndihen pjesë aktive e zhvillimit të vendlindjes së tyre. Besojmë se vetëm duke investuar tek rinia mund të sigurojmë një të ardhme të sigurt dhe të begatë për Haranjellin dhe më gjerë.

Në këtë ngjarje të rëndësishme, fjalë përshëndetëse mbajtën Ministri i Politikës Sociale, Demografisë dhe Rinisë Fatmir Limani, Kryetari i Degës Agim Sadiku, Kryetari i Komisionit Rexhep Emini dhe Kryetari i Forumit Rinor Ramazan Dini.

Pas një pjesëmarrjeje të madhe dhe një procesi të rregullt votimi, u miratua unanimisht Kryetari i ri i Nëndegës së Lëvizjes Besa në Haranjell:
🔹 Valdet Bajrami – Kryetar
🔹 Adi Arsllani – Nënkryetar
🔹 Shkumbin Bajrami – Sekretar
🔹 Bukurim Selmani – Arkëtar

Kryetari i sapozgjedhur, në fjalën e tij falënderuese, u shpreh i vendosur për të qenë zëri i banorëve të Haranjellit, duke punuar me përkushtim për realizimin e projekteve që do të sjellin ndryshime pozitive për komunitetin.

Kjo nëndegë do të jetë një shembull i përkushtimit tonë ndaj punës së ndershme, transparencës dhe bashkëpunimit të sinqertë. Jemi këtu për ju dhe gjithmonë të gatshëm të dëgjojmë çdo nevojë dhe propozim që vjen nga komuniteti juaj.

Së bashku do të ndërtojmë të ardhmen që e meriton Haranjelli dhe njerëzit e tij!
#DrejtSynimitKërçovë Shkruajn nga Lëvizja BESA – Kërçovë ne facebook.

/ms