Lëvizja BESA – Kërçovë themeloi nëndegën e sajë në Fshatin Zhubrinë (FOTO)

Sot, në fshatin Zhubrinë, u shënua një moment historik për komunitetin tonë – themelimi i nëndegës së Lëvizjes BESA. Ky hap i rëndësishëm konfirmon përkushtimin tonë për të ndërtuar një strukturë të fuqishme dhe të qëndrueshme, e cila do të jetë zë i fuqishëm i banorëve të Zhubrinës në proceset politike dhe vendimmarrëse.

Lëvizja BESA nuk është thjesht një parti politike, por një mision i bazuar në drejtësi, transparencë dhe përfaqësim të denjë. Me themelimin e kësaj nëndege, ne po forcojmë lidhjen mes qytetarëve dhe politikës së përgjegjshme, duke krijuar një platformë ku zëri i çdo banori të Zhubrinës do të dëgjohet dhe do të ketë ndikim.

Në këtë tubim solemn, në praninë e përfaqësuesve të Lëvizjes BESA dhe shumë simpatizantëve, u prezantua kryesia e re e nëndegës:

● GAZMENT RAHMANI dhe propozimit të strukturës udhëheqëse me:
● Neshat Xhaferri, Nënkryetar
● Drilon Zendeli, Sekretare
● Mirlinda Shaini, Arkëtare

Kryetari i sapozgjedhur, në fjalën e tij, theksoi rëndësinë e bashkëpunimit dhe angazhimit për të përfaqësuar me dinjitet interesat e banorëve të Zhubrinës. Ai shprehu vendosmërinë për të ndërtuar një të ardhme më të mirë, ku të rinjtë do të kenë më shumë mundësi, gratë do të jenë më të përfaqësuara dhe çdo qytetar do të ndiejë mbështetjen e institucioneve.

I pranishëm në këtë ngjarje ishte edhe Ministri i Politikës Sociale, Demografisë dhe Rinisë, Fatmir Limani, i cili në fjalën e tij përshëndetëse theksoi se Lëvizja BESA është forca që sjell ndryshim dhe qëndron përkrah çdo qytetari që kërkon një të ardhme më të drejtë dhe më të ndritur. Ai nënvizoi rëndësinë e organizimit politik në nivel lokal, duke e konsideruar Zhubrinën si një shembull të bashkimit dhe përkushtimit për një të ardhme më të mirë.

Fjalë përshëndetëse gjatë këtij takimi patën edhe Kryetari i Degës Agim Sadiku, Kryetarit i Komisionit Rexhep Emini, si dhe Kryetari i Forumit Rinor Ramazan Dini.
Këtë kuvend, me prezencën e tij e nderoi edhe Elez Mustafai, përfaqësues i Lëvizjes BESA nga diaspora në Vjenë, i cili shprehu mbështetjen e diasporës për organizimin dhe fuqizimin e strukturave lokale, duke theksuar rëndësinë e unitetit dhe angazhimit të përbashkët për të ardhmen e komunitetit tonë.

Themelimi i nëndegës në Zhubrinë është një hap i madh përpara, jo vetëm për komunitetin tonë, por për gjithë rajonin. Me energji të reja, me njerëz të përkushtuar dhe me një vizion të qartë, ne do të vazhdojmë të punojmë për një shoqëri më të drejtë, për mundësi të barabarta dhe për një politikë që i shërben qytetarëve.
Së bashku për ndryshim! Së bashku për Zhubrinën!

FOTO:

/ms