Lëvizja BESA – Kërçovë themeloi nëndegën e sajë në Fshatin Cërvicë (FOTO)

Lëvizja Besa, e njohur për përkushtimin e saj ndaj avancimit të të drejtave të qytetarëve dhe përfaqësimit të interesave kombëtare, ka shënuar një tjetër arritje të rëndësishme me themelimin e një nëndege të re.

Ky hap dëshmon qartë përkushtimin e Lëvizjes për të qenë pranë çdo qytetari dhe për të forcuar lidhjet me komunitetin në çdo cep të vendit.

Në këtë kuadër, jemi të lumtur të shpallim krijimin e nëndegës sonë, e cila do të shërbejë si një mekanizëm i fuqishëm për bashkëpunim dhe zhvillim të qëndrueshëm në fshatin Cërvicë.

Kjo nëndegë do të ketë për qëllim:
✅ Përfaqësimin dhe mbrojtjen e interesave të banorëve të Cërvicës;
✅ Promovimin e projekteve zhvillimore dhe infrastrukturës në fshat;
✅ Bashkëpunimin me institucionet lokale dhe organizatat relevante për përmirësimin e kushteve të jetesës;
✅ Organizimin e aktiviteteve sociale, kulturore dhe edukative për të rinjtë dhe të gjitha grupmoshat.

Fjalë përshëndetëse gjatë këtij takimi patën Ministri i Politikës Sociale, Demografisë dhe Rinisë, Fatmir Limani, Kryetari i Degës Agim Sadiku dhe Kryetarit i Komisionit Rexhep Emini, si dhe Kryetari i Forumit Rinor Ramazan Dini.
Me pjesëmarrje masive dhe vetërifikim të mandateve nga kuvendarët, pasoi propozimi i kandidatit të vetëm, për Kryetar të Nëndegës së Lëvizjes BESA, në fshatin Cërvicë.

Pas aprovimit unanim të Kryetarit:
● ARBËRIM TIKA dhe propozimit të strukturës udhëheqëse me:
● Ajet Sulejmani, Nënkryetar
● Siarta Çeliku, Sekretare
● Amit Tika, Arkëtar

… vijoi fjala përshëndetëse e Kryetarit të porsazgjedhur:
“Të nderuar bashkëfshatarë të Cërvicës, aktivistë, miq dhe përkrahës të Lëvizjes BESA,
Me nder dhe përkushtim, sot marr detyrën e Kryetarit të Nëndegës së Lëvizjes BESA në Cërvicë. Kjo është një përgjegjësi që do ta mbaj me përkushtim, sepse fshati ynë meriton përfaqësim të ndershëm dhe të guximshëm. Nga sot, zëri ynë do të dëgjohet fuqishëm dhe me dinjitet.

I nderuar:
•Ministër i Politikës Sociale, Demografisë dhe Rinisë z. Fatmir Limani
•Kryetar i Nëndegës, z. Agim Sadiku
•Kryetar i Komisionit për Organizimin e Nëndegëve, z. Rexhep Emini
•Zëvendësdrejtor i ELEM-it, z. Rexhep Asani
•Kryetar i Forumit Rinor, z. Ramazan Dini

Faleminderit për praninë tuaj – dëshmi e mbështetjes për një vizion të ri të bazuar në barazi, drejtësi dhe zhvillim.
Cërvica për shumë kohë është përdorur si vend votash, me premtime boshe dhe zhgënjime. Por sot vendosim një themel të ri: një politikë të hapur, ku çdo zë dëgjohet dhe përfaqësohet.
Lëvizja BESA do të sjellë për Cërvicën:
Politikë të ndershme, ku njerëzit janë të parët.
Mbështetje për të rinjtë dhe punësim të drejtë.
Investime të vërteta dhe zhvillim të qëndrueshëm.

Ky nuk është thjesht një fillim i ri politik, por një zotim për ndryshim. Nuk do të lejojmë që e kaluara të përsëritet, as që dinjiteti ynë të përdhoset.
Nga sot, kjo nëndegë është një familje e madhe, dera e hapur për çdo njeri që kërkon drejtësi dhe ndryshim.

Bashkë do ta bëjmë Cërvicën një shembull për të gjithë Kërçovën dhe më gjerë!”
Le të jetë kjo nëndegë një shembull i përkushtimit tonë për punë të ndershme, bashkëpunim të sinqertë dhe përpjekje konkrete. Jemi këtu për ju dhe gjithmonë të gatshëm për të dëgjuar çdo nevojë dhe propozim që vjen nga ju.

Ftojmë të gjithë banorët e Cërvicës të bëhen pjesë aktive e këtij procesi, duke kontribuar me idetë dhe përkushtimin e tyre për një të ardhme më të mirë për fshatin tonë.
Së bashku mund të bëjmë ndryshime pozitive dhe të sigurojmë një të ardhme më të mirë për fshatin Cërvicë !

FOTO:

/ms