Lëvizja BESA – Kërçovë themeloi nëndegën e sajë në Biçincë (FOTO)

Të dashur qytetarë të Biçincës, Kërçovës dhe përtej,
Sot shkruajmë një kapitull të ri! Një kapitull të guximit, të përkushtimit dhe të vizionit për një të ardhme më të ndritur. Sot, në Biçincë, u themelua nëndega e Lëvizjes BESA – një hap i madh dhe historik që forcon themelet e përfaqësimit të denjë, drejtësisë dhe unitetit në zemër të Kërçovës.

Ky themelim nuk është vetëm një ngjarje politike – është një thirrje për bashkim, për veprim dhe për ndryshim. Është një shenjë se zëri i Biçincës do të dëgjohet fuqishëm, se shqetësimet dhe aspiratat e çdo qytetari do të jenë në qendër të vendimmarrjes.

Lëvizja BESA nuk është thjesht një subjekt politik – ajo është urë që lidh idealet tona me realitetin, është forca që sjell politikëbërje të drejtë dhe transparente. Biçinca sot bëhet pjesë e kësaj lëvizjeje shprese, duke kontribuar fuqishëm në rrugëtimin tonë të përbashkët drejt progresit.

Në këtë moment solemn dhe historik, në praninë e strukturave të degës së Kërçovës dhe personaliteteve të shquara të Lëvizjes BESA, u zgjodh si Kryetar i Nëndegës AJHAN SULKO– një vizionar, një njeri i përkushtuar për të ardhmen e Biçincës.

Pas aprovimit unanim të Kryetarit:
● AJHAN SULKO dhe propozimit të strukturës udhëheqëse me:
● Adnan Zeqiroski, Nënkryetar
● Sema Gjulagoska, Sekretar
● Ramazan Neli, Arkëtar,

Kryerari i sapozgjedhur mes tjerash u shpreh:
“Ky nuk është thjesht një organizim politik, por një angazhim për të ardhmen. Ne do të ndërtojmë ura bashkëpunimi, do të sjellim mundësi të reja dhe do të jemi zëri i atyre që për shumë kohë nuk janë dëgjuar.”

Prezent gjatë këtij takimi ishin Ministri i Politikës Sociale, Demografisë dhe Rinisë Fatmir Limani, Kryetari i Degës Agim Sadiku, Kryetari i Komisionit Rexhep Emini, si dhe Kryetari i Forumit Rinor Ramazan Dini.

Në këtë ngjarje historike, z. Fatmir Limani, Ministër i Politikës Sociale, Demografisë dhe Rinisë, dha një mesazh të fuqishëm shprese dhe besimi:
“BESA është këtu për të qëndruar. Me transparencë, llogaridhënie dhe angazhim të palëkundur për të rinjtë, do të hapim dyert e mundësive të reja. Biçinca sot bëhet shembulli i asaj që mund të arrijmë kur jemi të bashkuar.”

Biçinca sot ngriti zërin e saj! Një zë që kërkon më shumë për të rinjtë, më shumë për gratë, më shumë për çdo qytetar që beson në vlerat e drejtësisë dhe barazisë.
Ky është vetëm fillimi.

Me vizion të qartë, me zemër të bashkuar dhe me vendosmëri të hekurt, ne do të ecim përpara. Biçinca është gati të shkëlqejë!
Lëvizja BESA – Besë për Biçincën, Besë për Kërçovën, Besë për të ardhmen tonë të përbashkët!

FOTO:

/ms