Leonora Jakupi përlotet: E dhimbshme të mendosh se mund të dënohen liderët që sollën pavarësinë (VIDEO)

E prekur dhe me lot në sy, Leonora Jakupi foli për ish-krerët e UÇK-së dhe pritjen e vendimit të Hagës, një ditë para shpalljes së aktgjykimit ndaj tyre.
Në emisionin “Ftesë në 5”, këngëtarja, së bashku me Gold AG, Bleron dhe Ana Kabashin, ndau emocionet dhe kujtimet e saj të lidhura me luftën dhe Kosovën, duke folur edhe për angazhimin e tyre në mbështetje të ish-liderëve të UÇK-së.

Një nga momentet më prekëse ishte kur Jakupi foli për mundësinë e dënimit të njerëzve që, sipas saj, luftuan dhe kontribuuan për lirinë dhe pavarësinë e Kosovës.

Emocionet u shtuan edhe më shumë kur në bisedë u përfshi nëna e saj. Duke rikujtuar vitet e luftës, nënë e bijë shprehën mirënjohjen ndaj shqiptarëve që strehuan dhe ndihmuan popullin e Kosovës, duke i mbajtur, siç u shprehën ato, “me bukë, ujë dhe shumë dashuri”.

Një ditë para vendimit në Hagë, rrëfimet në “Ftesë në 5” sollën kështu jo vetëm qëndrimet e artistëve, por edhe kujtime personale nga lufta dhe përvojat që vazhdojnë të mbeten të gjalla.

VIDEO:

/ts