Kushtet në burgjet tona nuk i plotësojnë as kriteret elementare..‼️

Avokati i Popullit Naser Ziberi theksoi sonte në emisionin “Click Plus” në TV21 se gjendja në burgje është një nga temat më të dhimbshme në fushën e mbrojtjes së të drejtave të njeriut në vendin tonë.

“Fatkeqësisht, kushtet në burgjet tona nuk plotësojnë as kriteret minimale për vuajtjen e dënimit me dinjitet, dhe risocializimin dhe riintegrimin e atyre personave”, thotë Ziberi.

Ai shton se në burgun më të madh në vend, Idrizovë, ku strehohet gjysma e të burgosurve në vend, është në një situatë ku nuk është i risocializuar por i degraduar.

“Ne nuk plotësojmë pothuajse asnjë kriter sipas standardeve, pra Komisionit për Parandalimin e Torturës, apo sipas ligjit tonë për ekzekutimin e sanksioneve”, thotë Ziberi.

Sipas Ziberit, përgjigja e institucioneve është se nuk kemi mundësi hapësinore dhe nuk ka kushte materiale.

/lajmpress