Kush ishte Hoxha Adil Dervishi? Shkruar nga Mr.Sadik Emroja

I lindur më 15 dhjetor 1935 në Drogomishtin e Vogël, ai u rrit me mësimet e fesë islame nga babai i tij, Xhema dhe nëna Lazimja duke trashëguar rrugën e imamëve të urtë. Qysh në moshë të re, ai u bë udhërrëfyes shpirtëror për besimtarët, duke shërbyer si imam në fshatin Tatesh të Strugës, Drogomisht të Madh, dhe për shumë vite në fshatin Sërmnovë të Gostivarit.

Më pas, u kthye në vendlindje, ku për 20 vjet të tjera udhëzoi xhematin me fjalën e butë, me urtësinë dhe me modestinë që e dallonte.

Katër dekada shërbim si imam nuk janë thjesht vite, por janë jetë të tëra të besimtarëve që ai i udhëzoi, breza të tërë që ai i edukoi në besimin islam. Ai do të mbahet mend si njeri i ditur, i thjeshtë dhe i përulur, që nuk kërkoi lavdi për vete, por e la pas në zemrat tona një trashëgimi të pashlyeshme.

Pas pensionit, jetoi pranë djemve të tij Ilmiut dhe Zudiut në Itali e Zvicër, ndërsa vitet e fundit i kaloi në SHBA, ku edhe ndërroi jetë.
Veprat e tij, fjalët dhe kujtimet e hoxhë Adil Dervishit do të mbeten të gjalla ndër breza.
Me lutje të përbashkët, i drejtohemi Zotit që ta shpërblejë me Xhenet!
Sadik Emroja
15 Korrik 2026 Drogomisht i Vogël

/ms