Kush ishin Beni Izra’ilët !?

Beni Izra’il (në arabisht: بني إسرائيل) do të thotë “Bijtë e Izrailit”, dhe ky është një emër që u referohet pasardhësve të Profetit Jakub (a.s.), i cili në shpalljet hyjnore njihet edhe me emrin Isra’il.

Pra, Beni Izra’il ishin një popull i zgjedhur nga Allahu në një periudhë të caktuar të historisë. Ata përfaqësonin një komunitet që përjetoi shumë ndodhi të mëdha dhe u udhëhoq nga disa prej pejgamberëve më të shquar në histori.

Pejgamberët që u dërguan te Beni Izra’il:
Allahu i dërgoi shumë profetë Beni Izra’ilëve, përfshirë:

Musain (a.s.) – i dërguar për t’i çliruar nga tirania e Faraonit dhe për t’u sjellë Teuratin.
Harunin (a.s.) – ndihmësi dhe vëllai i Musait (a.s.).

Davudin (a.s.) – mbret dhe pejgamber që mori Zeburin.
Sulejmanin (a.s.) – bir i Davudit (a.s.), i njohur për urtësinë dhe mbretërinë e tij të drejtë.
Dhe shumë të tjerë, si Zekerijja, Jahja, Isai (a.s.) etj.

Cilat ishin veçoritë e këtij populli?
Ata panë shumë mrekulli, si ndarja e Detit të Kuq, ngritja e malit Tur mbi kokat e tyre, mana dhe selva që zbritnin nga qielli etj.

Pavarësisht kësaj, shumë prej tyre shfaqën mosbindje, mosmirënjohje dhe devijuan nga urdhërat e Zotit.
Disa prej tyre e mohuan të vërtetën, vranë pejgamberë dhe manipuluan shpalljet hyjnore.

Pse përmenden shpesh në Kuran?
Në Kuran, tregimet e Beni Izra’ilëve përmenden jo për të tallur apo përbuzur, por për t’u nxjerrë mësime besimtarëve muslimanë. Allahu na paralajmëron që të mos i përsërisim gabimet e tyre, si:

– Mospërfillja e urdhrave të Allahut pas mrekullive.
– Krenaria, zilia dhe refuzimi i pejgamberëve.
– Ndryshimi i shpalljes për interes personal.

/ms