Kurti: Lehtësuam punësimin e mërgatës në vendet ku jetojnë..?

Fjalimin në mbledhjen e Qeverisë së Kosovës, kryeministri në detyrë, Albin Kurti e nisi duke folur në lidhje me procesin zgjedhor, duke përmendur këtu edhe votimin e diasporës.

Derisa tregoi se si diaspora këtë herë ka pasur mundësinë të votojë edhe nëpër konsullata e ambasada, Kurti tha se “të pandashëm nga mërgata” ka qenë edhe qeveria e tij.

Kryeministri në detyrë përmendi disa prej marrëveshjeve për konvertimin e patentë shoferëve, duke i paraqitur këto si arritje të MPJ-së e MPB-së. Më pas, ai shtoi se “kjo ua ka lehtësuar qasjen në tregun e punës” mërgimtarëve.

“Të pandashëm nga mërgata jonë kemi qenë edhe ne, MPJ dhe MPB janë angazhuar vazhdimisht në shtimin dhe përmirësimin, digjitalizimin e shërbiemve për bashkëatdhetarëve.

Një prej lehtësimeve më të mëdha, është njohja e patent shoferëve të Kosovës nga vendet ku ata jetojnë dhe punojnë. Kjo përveç se ulë shpenzime dhe kursen kohën, mundëson integrimin më të shpejt në tregun e punës. Fillimisht Gjermania njohu patent-shoferët tanë, rreth 30 mijë bashkëatdhetarë kanë konvertuar patentë shoferët përmes kësaj marrëveshje.

Nga muaji kaluar ka hyrë në fuqi marrëveshja me Italinë, nga muaji i ardhshëm hyn në ndryshim rregullorja për patent shoferë në Austri, që lehtëson procedurën e konvertimit…” – tha ai.

/portalimergata