Radarët në rrugët e Zvicrës: bankomat për shtetin apo shpëtim jete?

Debati për radarët e shpejtësisë vazhdon: a janë ata një burim të ardhurash për shtetin apo një mjet për të shpëtuar jetë? Ndërsa policia dhe ekspertët e sigurisë rrugore theksojnë efektin e tyre parandalues, disa specialistë janë skeptikë.

Psikologia e trafikut Charlotte Wunsch thotë se gjobat për tejkalime të vogla të shpejtësisë shpesh nuk ndryshojnë sjelljen e shoferëve. Ajo dallon mes dy grupeve: atyre që vozisin qëllimisht shumë shpejt dhe atyre që e tejkalojnë shpejtësinë pa dashje. Sipas saj, radarët kanë pak ndikim te ky grup i dytë, madje disa shoferë i konsiderojnë gjobat si shpenzim të zakonshëm.

Ajo sugjeron se shpërblimi mund të jetë më efektiv se ndëshkimi, për shembull duke kthyer gjobën nëse shoferi nuk bën shkelje për një periudhë.
Në Zvicër, rregullat për radarët ndryshojnë nga kantoni në kanton. Disa publikojnë vendndodhjet e tyre, ndërsa të tjerë i mbajnë të fshehta. Policia thekson se qëllimi kryesor është parandalimi dhe rritja e sigurisë në rrugë, edhe pse të ardhurat nga gjobat janë të mëdha.

Në fund, debati mbetet i hapur: radarët janë një mjet për siguri apo një makinë për para? Ndoshta e vërteta qëndron diku në mes.

/albinfo