Ku t’i kërkoni sendet tuaja “të humbura” në Zvicër ?

Në Zvicër, ashtu si kudo, njerëzit shpesh humbasin sende, por shumica përfundojnë duke u kthyer tek pronarët e tyre. Sa më i madh të jetë objekti, aq më shumë gjasa ka të gjendet – madje edhe sende të vogla si çelësat shpesh kthehen, në varësi të ndershmërisë së gjetësit.

Raste të ndershmërisë shembullore nuk mungojnë: në vitin 2022, një kalimtar ktheu një zarf me 20,000 franga të gjetur në rrugë.

Ndër sendet më të çuditshme të humbura në Zvicër përfshihen një paruke vjollcë, një shpatë samurai dhe madje një këmbë proteze.

Sendet mund të kërkohen në faqet e aeroporteve apo stacioneve përkatëse. Sipas ligjit zviceran, gjetësi ka të drejtë për një shpërblim rreth 10% të vlerës së sendit dhe për rimbursim të shpenzimeve të mundshme.

/albinfo