Ku kanë arrit sot këta artistë të vegjël kërçovarë në Zvicër ?! (FOTO)
Nga arkivi im shkëputa ca foto nga Shoqata kulturore “Kërçova“ në Zvicër, gjegjësisht nga grupi i instrumentistëve, këngëtarëve dhe valltarëve të vegjël që atëbotë (me 11 Nëntor 2013) entuziazmuan mbi një mijë bashkatdhetarë me prejardhje nga Kërçova dhe trojet tjera shqiptare.
Këtu shkëputa edhe një foto të artisteve kërçovare me ikonën e xhazit shqiptar Elina Duni. Disa nga fotot janë shkrep me 6 Nëntor 2016.
Loja, kënga dhe veshja e këtyre kërçovarëve të vegjël është shumë joshëse dhe përbën një pjesë shumë të rëndësishme të trashëgimisë dhe të etnosit tonë popullor.
Por, kësaj radhe jam shumë kureshtar të di se ku kanë arrit këta vogëlush tash pas dhjetë vitesh që kam shkrep këto foto, shpresoj të kenë vazhduar shkollimin apo edhe punësimin për tu bërë pjesë shumë e çmueshme e vitale e komunitetit tonë të madh në Zvicër e bashkë me te edhe pjesë e rëndësishme integruese në rrjedhat e përgjithshme të shtetit mik helvetik.
Me këtë rast edhe një foto nga fb i Odës Kërçovare në Zvicër, që mban mësim Folklorik për Fëmijë (gratis), e që nga pamja e kësaj ode mund të shihni se ç ‘begati të madhe etno-kulturore posedon rajoni shqiptar në Maqedoninë e Veriut.
Për të përjetuar tërë mrekullinë e kësaj ode kërçovare në Zvicër, ia vlen të vizitohet, sidomos kur organizohen edhe programe muzikore shumë karakteristike.
Shkruar nga Rexhep Rifati
FOTO:
/ms
